14 nauryz – Körısu künıne orai Qyzylorda qalasynda «Amal keldı, Jyl keldı» atty dumandy merekelık şara ūiymdastyryldy. Qalalyq mädeni-tynyǧu parkınıŋ kıreberıs alaŋynda ötken ıs-şaraǧa qala tūrǧyndary men qonaqtary, türlı etnos ökılderı, sondai-aq Qazaqstan halqy Assambleiasy janyndaǧy Jastar ūiymynyŋ belsendılerı qatysty.
Merekelık şaranyŋ basty maqsaty – elımızdegı bırlık pen tatulyqty nyǧaitu, köpūltty qoǧam arasyndaǧy dostyq pen özara qūrmettı därıpteu.
Is-şara barysynda qatysuşylar ūlttyq dästürge sai bır-bırımen körısıp, aqjarma tılekterın arnady. Baǧdarlama aiasynda qazaqtyŋ ūlttyq sport türlerınen jarystar ūiymdastyrylyp, arqan tartys, qol küres, läŋgı tebu syndy saiystar körermenderdıŋ qyzyǧuşylyǧyn tudyrdy.
Sonymen qatar qazaq halqynyŋ salt-dästürınen taǧylymdy körınıster körsetılıp, qala önerpazdary merekelık konserttık baǧdarlamasyn ūsyndy. Än men küige, ūlttyq oiyndarǧa ūlasqan şara köpşılıkke köterıŋkı köŋıl-küi syilady.
