Bügın Qyzylorda oblysynyŋ äkımı Mūrat Ergeşbaev «Syr jūldyzdary» şyǧarmaşylyq-innovasiialyq akademiiasynda öŋır jastarymen erkın formattaǧy kezdesu ötkızdı. Şarada jaŋa Konstitusiiada közdelgen jastar saiasatyn damytu, bılım beru jüiesın jetıldıru, käsıpkerlıktı, jastardyŋ qoǧamdyq bastamalaryn qoldau jäne öŋırdı äleumettık-ekonomikalyq tūrǧydan damytudaǧy keiıngı buynnyŋ rölı keŋınen talqylandy.
Aimaq basşysy eldegı saiasi reformalardyŋ maŋyzyna toqtalyp, jaŋa Konstitusiianyŋ qabyldanuy jaŋa kezeŋnıŋ bastauy ekenın atap öttı.
«Būl – ädılettı qoǧam qūruǧa jäne bolaşaqqa degen senımdı nyǧaituǧa baǧyttalǧan tarihi şeşım. Memleket basşysy Qasym-Jomart Kemelūly atap ötkendei, Ädılettı Qazaqstandy qūruda bılımdı, otanşyl jastardyŋ rölı airyqşa. Sondyqtan jastardyŋ sapaly bılım alyp, eŋbek etuıne, käsıp bastauyna jäne jan-jaqty damuyna memleket jüielı qoldau körsetıp otyr. Biyl jastar saiasatyn ıske asyruǧa jergılıktı biudjetten 2 mlrd teŋge bölındı.
Memleket basşysy aiqyndaǧan «Zaŋ men tärtıp», «Adal azamat» jäne «Taza Qazaqstan» bastamalaryn jüzege asyruda jastardyŋ belsendılıgı men qoǧamdyq jauapkerşılıgı erekşe maŋyzdy», – dedı Mūrat Nälqojaūly.
Erkın pıkır almasu kezınde jastar ūsynys-pıkırlerın ortaǧa saldy.
Oblys äkımı barlyq ūsynystar jan-jaqty qaralatynyn, jastar bastamalaryn qoldau jüielı jalǧasatynyn jetkızdı. Sonymen qatar jastardy öŋırdıŋ äleumettık-ekonomikalyq damuyna baǧyttalǧan jobalardy ıske asyruǧa belsendı qatysuǧa şaqyrdy.
Statistikalyq mälımetterge qaraǧanda, ötken jyly oblysta 14 pen 35 aralyǧyndaǧy 248 279 jas esepke alynǧan, būl – jalpy halyqtyŋ 29,4%-y. «Memlekettık jastar saiasatynyŋ 2023-2029 jyldarǧa arnalǧan tūjyrymdamasy» aiasynda jüielı jūmys oryndaluda.
Jastardy eŋbekke baulu maqsatynda qūrylǧan eŋbek brigadalarynyŋ sany 30-dan asyp, qūramyna 800-den astam adam tırkeldı. Eŋbek jasaǧyna äleumettık az qamtylǧan otbasylardan şyqqan, NEET sanatyndaǧy jastar da tartyldy.
Oblystyq jastar resurstyq ortalyǧy janynda 6 üiırme men klubtar bar. «Oquşylar saraiy», «Tennis ortalyǧy», «Syr jūldyzdary» şyǧarmaşylyq-innovasiialyq akademiiasy, «Anaǧa taǧzym», «Otbasy ortalyǧy», barlyq audandaǧy «Ruhaniiat ortalyqtarynda» jastardyŋ bos uaqytyn tiımdı ötkızuıne jaǧdai jasalǧan.
Öŋır jastaryn qoljetımdı baspanamen qamtamasyz etu jäne jas otbasylardy qoldau maqsatynda Nūrlybek Maşbekūlynyŋ bastamasymen «Syr jastary» jeŋıldetılgen ipotekalyq nesie beru baǧdarlamasy qabyldanǧan. Baǧdarlama boiynşa 35 jastan aspaǧan, Qyzylorda oblysynda tūraqty tırkeuı bar jastar jyldyq 6% paiyzdyq mölşerlememen, üi baǧasynyŋ 10% jarnasyn jinap üi ala alady.
Eske salsaq, 2024 jyly 798 adam qūjat tapsyryp, joldama alǧan 471-ınıŋ 100-ı tölem qabılettın rastap, üş bölmelı päter iesı atandy. Ötken jyly 691 adam qūjat tapsyryp, onyŋ 453-nıŋ qūjaty qabyldanyp, 300 jasqa «Otbasy bank» AQ-nan joldama berıldı. Tölem qabıletın sättı rastaǧan jastar sol jaǧalaudaǧy köpqabatty tūrǧyn üiden päter aldy.
Memleket basşysynyŋ bastamasymen 2026 jyldy BŪŪ Bas Assambleiasy «Ornyqty damu jolynda Halyqaralyq erıktıler jyly» dep jariialady. Soǧan säikes halyqaralyq jäne respublikalyq deŋgeidegı ekı auqymdy şara ötedı.
Tamyz aiyndaǧy respublikalyq volonterler sletı jastar men erıktılerdıŋ täjıribe almasuyna, jaŋa bastamalardy talqylauǧa jäne qoǧam igılıgıne arnalǧan jobalardy damytuǧa arnalady. Sondai-aq, «Menıŋ mamandyǧym – menıŋ jetıstıgım» taqyrybynda respublikalyq jas mamandar forumyn ötkızu josparlanǧan.
Qazan aiynda halyqaralyq «Green Aral: Volunteers for Life» halyqaralyq erıktıler aptalyǧy aiasynda Aral maŋy tabiǧatyn qalpyna keltıru jäne ekologiialyq mäselelerdı şeşuge baǧyttalǧan jobalar ıske asyrylady.
