Orman sharýashylyǵy jáne janýarlar dúnıesi komıteti kıikterdiń múıizderin tańbalaý erejelerin ázirledi. Qujat 2022 jylǵy 16 maýsymǵa deıin «Ashyq NQA» saıtynda ornalastyrylǵan, dep habarlaıdy “Adyrna” ulttyq portaly.
Erejege sáıkes, kıikterdiń múıizderin tańbalaýǵa arnalǵan buıym (QR-kod) onda tirkelgen derekter negizinde kıikterdiń múıizderin sáıkestendirý, esepke alý úshin biryńǵaı aqparattyq júıemen daıyndalady.
Orman sharýashylyǵy jáne janýarlar dúnıesi komıteti kıikterdiń múıizderin satýdy júzege asyratyn memlekettik monopolııa sýbektileriniń ótinishi negizinde buıymdardy beredi.
Kıikterdiń múıizin Qazaqstan Respýblıkasynan tys jerlerge shyǵarǵysy keletin memlekettik monopolııa sýbektisi quryp ketý qaýpi tóngen jabaıy faýna men flora túrlerimen halyqaralyq saýda týraly konvenııanyń kúshi qoldanylatyn derıvattar el aýmaǵynan eksporttaýǵa nemese keri eksporttaýǵa ruqsat alýǵa ótinish beredi.
Ruqsatty ákimshilik organ quryp ketý qaýpi tóngen jabaıy faýna men flora túrlerimen halyqaralyq saýda týraly konvenııanyń kúshi qoldanylatyn janýarlar túrlerin Qazaqstan Respýblıkasynyń aýmaǵyna ımporttaýǵa, eksporttaýǵa nemese keri eksporttaýǵa ruqsat berý qaǵıdalaryna sáıkes beredi.
Buıymnyń jeke eseptik nómiri ruqsattamada kórsetiledi.
Buıymdy memlekettik monopolııa sýbektisiniń mamany kıiktiń múıizi bar árbir vakýýmdyq pakettiń ishine ony kózben sholyp qaraýdy qamtamasyz etetin jáne qaıta paıdalanýdy boldyrmaıtyn tásilmen jelimdeıdi.
Tańbalanǵan buıymda kelesi aqparat qamtylady: múıizdiń jeke eseptik nómiri, kody, kıiktiń popýlıaııasy, múıizdiń satyp alynǵan kúni, múıizdiń veterınarııalyq-sanıtarııalyq saraptamasynyń nómiri men kúni, buıymnyń nómiri, buıymnyń berilgen kúni.
”Adyrna” ulttyq portaly
