Beısenbi kúni senat otyrysynda Murat Baqtııaruly Úkimet basshysynyń orynbasary Eraly Toǵjanovqa depýtattyq saýal joldap, balabaqsha men bastaýysh synyptarda úshtildi oqytý júıesin toqtatý qajettigin aıtty, dep habarlady “Adyrna” ulttyq portaly.
Murat Baqtııarulynyń aıtýynsha, álemdegi eń myqty otyz eldiń ishinde eki til birinshi synypta tek 2 memlekette, ekinshi synypta – 5, al tórtinshi synypta – tek 12 memlekette oqytylady. Al úsh til Qazaqstannan basqa álemniń eshbir memleketinde múldem oqytylmaıdy.
«Shynaıy saýattylyq – bul ómirdi bilý, tańdaǵan mamandyqty tereń meńgerý, ómirlik suranystarǵa jaýap bere alatyn daǵdylar men qabiletterdi qalyptastyrý. Sondyqtan el Prezıdenti Toqaev shet tilin oqytýdy ata-analardyń qalaýy boıynsha besinshi synyptan bastaǵan durys jáne tıimdi degen pikir bildirdi», – dep atap ótti depýtat.
