Almaty oblysynda 1 392 237 sailauşy taŋdau jasaidy

Almaty oblysynyŋ äkımı Qanat Bozymbaev Taldyqorǧan qalasyndaǧy I.Jansügırov atyndaǧy Mädeniet saraiynda ornalasqan № 974 sailau uchaskesınde bolyp, referendumdaǧy öz taŋdauyn jasady. Jalpy derek boiynşa Almaty oblysynda 1 392 237 sailauşy bar. Olar 1053 sailau uchaskesınde dauys beredı dep kütılude. Al aimaqtaǧy sailau uchaskelerı taŋǧy saǧat 7.00-den keşkı 20.00-ge deiın jūmys ısteidı. Sondai-aq referendumǧa 1074 komissiia tartylǧan, onyŋ ışınde 21 komissiia aumaqtyq jäne 1053 komissiia uchaskelık märtebege ie. Qazırgı sätte olarda barlyǧy 7636 komissiia müşesı sailauşylarǧa qyzmet körsetude. Referendum uchaskelerınde baqylauşylar da öz mındeterın atqaryp jatyr, äzırge oblys aumaǧynda zaŋ būzu deregı tırkelgen joq.