Almatyda áskerı qyzmetkerler egde jastaǵy er adamdy órtten qutqardy. Bul týraly qorǵanys mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
Jóndeý bazasynyń áskerı qyzmetshileri Abylaıhan Omarov pen Talǵat Ábjanov aýlasynda avtokólik jóndep jatqan edi. Kórshi kóshedegi tútindi kórip, kómek surap aıqaılaǵan daýysty estigen bette olar órt ornyna dereý júgirip jetken.
Qalyń qara tútin jeke úıdiń aýlasynda ornalasqan ǵımarattan shyǵyp jatyr eken. Abylaıhan men Talǵat dýaldan sekirip túsip, janyp jatqan ǵımarattan bir qart adamdy alyp shyqty. Áskerı qyzmetshiler zardap shegýshige alǵashqy kómek kórsetip, medıınalyq jáne órt sóndirý brıgadalaryn shaqyrdy.
Órt japsarlas qurylystan turǵyn úıge kóshýi múmkin dep qaýiptengen efreıtorlar Omarov pen Ábjanov órtti sóndire bastady. Olarǵa TJD qyzmetkerleri kómekke keldi.
Zardap shekken azamat L., 1963 jyly týǵan. Ol úsh dárejeli kúıik alyp, №4 qalalyq klınıkalyq aýrýhanaǵa jetkizildi.
"Bizdiń ornymyzda kim bolsa da osylaı isteıtin edi. Medıınalyq daıyndyq sabaqtarynda bizdi órt kezinde zardap shekkenderge alǵashqy kómek kórsetýge úıretedi. Biraq biz alǵan bilimimiz ómirde kádege jaraıddy dep eshqashan oılamappyz", - deıdi olar.
Órt sóndirýde jáne adamdy qutqarý kezinde kórsetken erligi úshin Qorǵanys mınıstri general-polkovnık Rýslan Jaqsylyqovtyń buıryǵymen áskerı qyzmetshiler "El qorǵany" vedomstvolyq medalimen marapattaldy.
”Adyrna” ulttyq portaly
