Mańǵystaý oblysynda 18 jastaǵy stýdent Kaspıı teńizine batyp ketti. Bul týraly Tótenshe jaǵdaılar departamenti málimdedi, dep habarlaıdy “Adyrna” ulttyq portaly.
7 maýsym kúni keshki saǵat 16.20 kezinde qutqarý qyzmetine Aqtaý qalasy Samal-2 yqshamaýdanynda teńiz jaǵalaýynda bir adamnyń sýǵa ketkeni týraly habar túsken.
«Sýǵa ketken adam – 2004 jyly týǵan Beıneý aýdany Boranqul aýylynyń týmasy. Bozbala Mańǵystaý óner kolledjiniń 1-kýrsynda oqyp júrgen, sol oqý ornyna qarasty №5 jataqhanada turǵan. Qazirgi ýaqytta marqumnyń denesin izdeý jumysy júrip jatyr», – deıdi Aqtaý qalasy Tótenshe jaǵdaılar basqarmasy azamattyq qorǵanys tobynyń ofıeri, aǵa leıtenant Azamat Tólegenov.
TJD málimetinshe, jastar jaǵalaýda TikTok jelisine arnap vıdeo túsirip júrgen.
Úsheýi teńizge sekirgen, ekeýi jaǵaǵa júzip shyqqanymen úshinshi jigit sýǵa batyp ketken.
Izdeý jumysyna 15 qutqarýshy jáne eki súńgýir tartylǵan.
”Adyrna” ulttyq portaly
