Maŋǧystau oblysynda 18 jastaǧy student Kaspii teŋızıne batyp kettı. Būl turaly Tötenşe jaǧdailar departamentı mälımdedı, dep habarlaidy “Adyrna” ūlttyq portaly.
7 mausym künı keşkı saǧat 16.20 kezınde qūtqaru qyzmetıne Aqtau qalasy Samal-2 yqşamaudanynda teŋız jaǧalauynda bır adamnyŋ suǧa ketkenı turaly habar tüsken.
«Suǧa ketken adam – 2004 jyly tuǧan Beineu audany Boranqūl auylynyŋ tumasy. Bozbala Maŋǧystau öner kolledjınıŋ 1-kursynda oqyp jürgen, sol oqu ornyna qarasty №5 jataqhanada tūrǧan. Qazırgı uaqytta marqūmnyŋ denesın ızdeu jūmysy jürıp jatyr», – deidı Aqtau qalasy Tötenşe jaǧdailar basqarmasy azamattyq qorǧanys tobynyŋ ofiserı, aǧa leitenant Azamat Tölegenov.TJD mälımetınşe, jastar jaǧalauda TikTok jelısıne arnap video tüsırıp jürgen. Üşeuı teŋızge sekırgen, ekeuı jaǧaǧa jüzıp şyqqanymen üşınşı jıgıt suǧa batyp ketken. Izdeu jūmysyna 15 qūtqaruşy jäne ekı süŋguır tartylǧan.
”Adyrna” ūlttyq portaly
Ūqsas jaŋalyqtar
