Kirill Keker «Qairat» futbol komandasynyŋ bas bapkerı bolyp taǧaiyndaldy. Būl turaly klubtyŋ baspasöz qyzmetı mälımdedı, dep habarlaidy “Adyrna” ūlttyq portaly.
Klubtyŋ baspasöz qyzmetınıŋ mälımetınşe , Kirill Keker – jas oiynşylarmen jūmys ısteude mol täjıribege ie «Qairat» FK akademiiasynyŋ eŋ tabysty mamandarynyŋ bırı.
2017 jylǧy mausymda Keker şäkırtterı 2002 jyly düniege kelgen balalar arasyndaǧy QR bırınşılıgınde özderınen bır jasqa ülken qarsylastarmen baqtalassa da, altyn jüldege qol jetkızdı.
Nūrlan Qapparovty eske aluǧa arnalǧan turnirde jeŋımpaz, Valensiiadaǧy halyqaralyq saiysta kümıs medal iegerı jäne Sergei Kvochkin atyndaǧy jarysta kubok enşıledı. 2019-dan 2020 jylǧa deiıngı mausymda Kirill Sergeevich «sary-qaralardyŋ» negızgı komandasynda bas bapkerdıŋ kömekşısı qyzmetınde bolyp, bırınşılıktıŋ altynyn jeŋıp aldy. 2021 jylǧy mausymdy Kiril Keker «Qairat Jastardyŋ» bas bapkerı statusynda bastap, mausym aiynda «Qairat» FK bas jattyqtyruşy qyzmetın atqaruşy atandy.
2022 jyldyŋ qaŋtarynda Keker «Qairat Mäskeu» FK bas jattyqtyruşysy retınde tanystyryldy. Onyŋ eŋbegı arqasynda, «mäskeulıkter» ŪFL-2 turnirlık kestesınde chempionat aiaqtaluyna bır tur qalǧanda, 5-orynda keledı.
”Adyrna” ūlttyq portaly
Ūqsas jaŋalyqtar
