Nursultan Nazarbaev halyqaralyq áýejaıynyń jumyskerleri azyq-túlikti nesıege alýǵa májbúr. Kún kóristeri nasharlap ketkenine shaǵymdanǵan top, shý shyǵardy, dep habarlaıdy “Adyrna” ulttyq portaly.
Aıtýlarynsha aılyqtary jetpeıdi. Astana arnasynyń habarlaýynsha olar basshylyqqa aýyr jumysymyzdyń adal aqysyn ótese dep talap qoıǵan. 12 saǵat tonna-tonna júk túsirip, bar bolǵany 150 myń teńge aılyq alady. Aılyqty kóterýdi basshylyqqa talap etken, biraq olar jalaqyǵa 7 paıyz ǵana qosqanyna narazy.
«Bizdiń istep jatqan eńbegimizge laıyqty qyldyryp bizdiń aqshamyzdy kóterip berse. Bizge sol ǵana kerek. Óıtkeni, bizde balamyz bar, myna jerde kóbisi kvartıra snımat etip turady. Biz mysaly qazir prodýktyny Kaspıı redpen alamyz. Óıtkeni bizdiń taýyp jatqan tabysymyz jetpeıdi. Ony sosyn aı saıyn 10-15 myńnan bólip tóleımiz», - deıdi júk túsirýshi Marat Raqymbetov.
Narazylyqqa shyqqandar densaýlyǵymyzǵa zııan kelgeni úshin de tólenetin ótemaqy da mardymsyz dep otyr.
Aıtýlarynsha, bas qaladaǵy áýejaıda adam da, jumys tehnıkasy da jetispeıdi. Onyń ústine jumys ornynan berilgen arnaıy kıimniń sapasy jumys talabyna saı kelmeıdi deıdi.
«Bir pochta birdeme qalyp qoısa, bizdiń zarplatamyzdan kesiledi. Negizi dalnyı stoıankalar bolady, tehnıka jetpeıdi, traktor jetpeıdi, nemese transporter jetpeıdi jigitterdiń bári qolmen tartady. Eki adam qolmen artady, potomý chto tehnıka jetpeıdi. Qysty kúni kún taıǵaqta jazda bergen aıaq kıimdi kıedi, ol aıaq kıim taıǵanap, júrmeıdi», - deıdi júk túsirýshi Amangeldi Túkenov.
Beriletin arnaıy kıimderdiń razmerleri de saı kelmeıdi eken. Al, basqa kıim kıse, aıyppul tóletetin kórinedi. Qyzmetkerleriniń talabyn estigen mekeme basshylyǵy, áleýmettik kómektiń barlyǵy jumysshy men jumys berýshiniń arasyndaǵy kelisimshartta qaralǵan deıdi. Al jalaqy máselesin mindetti túrde sheshemiz dep ýáde etti.
«Jalaqy jaıly ony taǵy qarastyramyz. Bul tek grýzıkterge emes, basqa slýjbalardyń barlyǵyna qarastyrý kerek dep oılaımyz. Óıtkeni bul barlyǵynyń suraǵy, qazir qymbatshylyq. Qymbatshylyq bárimizge tıip jatyr. Sol úshin sony qarastyramyz dep ýáde beremiz», - dep málimdedi N.Nazarbaev halyqaralyq áýejaıy basqarma tóraǵasynyń óndiris jónindegi orynbasary Erǵazy Joldasov.
Aýyr eńbekpen nápáqa tapqan júk túsirýshiler eńbekaqymyzdy kóterip, yńǵaıly jumys kıimin berse dep otyr. Onymen qosa, emge qarajat bólse deıdi.
”Adyrna” ulttyq portaly
