Boliviia astanasy La-Pas qalasynyŋ soty osy eldıŋ būrynǧy prezidentı Janin Anestı 10 jylǧa bostandyǧynan aiyrdy. Sot Anestı "bilıkke zaŋsyz jolmen keldı, Boliviia azamattaryn bülıkke tartyp, memlekettık töŋkerıs jasamaq boldy" aiyptady, dep habarlaidy "Adyrna" ūlttyq portaly "Azattyqqa" sılteme jasap.
Būl aiyptau 2019 jyldyŋ qaraşasynda Boliviiada bolǧan daǧdarysqa bailanysty bolatyn. Resmi mälımetke qaraǧanda, 2006 jyldan Boliviia prezidentı bolyp kele jatqan Evo Morales prezident sailauynda jeŋgen. Alaida myŋdaǧan adam qarsylyq aksiiasyna şyqqan soŋ, Morales ökıletın ötkızıp, elınen qaşyp ketken. Boliviia basşylyǧy jappai otstavkaǧa ketıp, Senatorlar palatasy töraǧasynyŋ ekınşı orynbasary bolyp otyrǧan Anes özın Boliviianyŋ ötpelı kezeŋdegı uaqytşa basşysymyn dep jariialaǧan.2020 jyly qazan aiynda qaita sailau ötıp, Moralestıŋ serıgı Luis Arse jeŋıp şyqqan. Odan nebärı bes aidan keiın Anes pen serıkterı qamauǧa alynyp, olarǧa "memlekettık töŋkerıs jasamaq boldy" degen aiyp taǧylǧan. Amnesty International halyqaralyq qūqyq qorǧau ūiymy Anestıŋ üstınen qylmystyq ıs qozǧalǧanyn "Boliviia bilıgınıŋ adam qūqyǧyn kezektı ret taptaǧany" dep ataǧan, bıraq Anes ükımetı de "qarsylyq aksiialary kezınde adam qūqyqtaryna nūqsan kelgenın jetkılıktı tergemegenın" moiyndaǧan. Anestıŋ özı men jaqtastary "bilıkke zaŋdy jolmen keldık" dep esepteidı. Eks-prezident "saiasi quǧyn-sürgınge tüstım, zaŋsyz sottaldym" dep sanaidy. "Özımdı sottap otyrǧan sotqa özımdı kırgızbedı. Älgı qorqaq qaşyp ketken soŋ onyŋ mındetın moinyma alyp, Boliviianyŋ zaŋdy prezidentı boldym, solai qala beremın ", – deidı Anes.
"Adyrna" ūlttyq portaly