Qazaqstan Respýblıkasy Mádenıet jáne sport mınıstrligi men Úndistan Mádenıet mınıstrligi arasynda 2022-2025 jyldarǵa arnalǵan mádenı almasý baǵdarlamasyna qol qoıyldy. Qol qoıý rásimi QR Mádenıet jáne sport mınıstri Dáýren Abaev pen Úndistannyń memlekettik Syrtqy ister jáne mádenıet mınıstri Meenakshı Lekhı hanymmen ekijaqty kezdesý barysynda ótti, dep habarlaıdy «Adyrna» tilshisi.
Dáýren Abaev bıyl Qazaqstan men Úndistan arasyndaǵy dıplomatııalyq qatynastardyń ornaǵanyna 30 jyl tolatynyn atap ótti. Onyń aıtýynsha, Nıý-Delıde uly aqyn jáne aǵartýshy Abaı Qunanbaıulynyń bıýstiniń ashylýy berik jáne dostyq qarym-qatynastardyń aıǵaqtarynyń biri boldy. Sonymen qatar, Nur-Sultan qalasynda Mahatma Gandıge eskertkish ashý josparlanǵan.
Sondaı-aq, Dáýren Abaev kınematografııa, muraǵat isi, týrızm jáne sport salasyndaǵy yntymaqtastyqty jandandyrýǵa qyzyǵýshylyq tanytty. Atap aıtqanda, mınıstr Úndi kınematografısterin «Eýrazııa» halyqaralyq kınofestıvaline qatysýǵa shaqyrdy.
Óz kezeginde Meenakshı Lekhı keń aýqymdy máseleler boıynsha ózara tıimdi baılanystardy nyǵaıtýǵa nıetin rastady.
