Aqtaudyŋ äkımı Nūrdäulet Qilybai sotta jeŋılıp, 153 myŋ teŋge aiyppūl töledı, dep habarlaidy «Adyrna» tılşısı «Habar 24»-ke sılteme jasap.
Maŋǧystau oblystyq sotynyŋ mälımetınşe, onyŋ üstınen jeke käsıpker şaǧym tüsırgen. Ol qala äkımı men Aqtaudyŋ jer qatynastary, säulet jäne qala qūrylysy bölımınıŋ zaŋsyz äreketı turaly aitqan. Dauly mäsele jer telımın jalǧa beru merzımın ūzartuǧa bailanysty şyqqan.
Qūzyrly organ talapkerdıŋ ötınışın qanaǧattandyru üşın 1 ai ışınde äkımşılıkke akt qabyldaudy tapsyrady. Alaida sol küiı aiaqsyz qalady. Sot şeşımın oryndamaǧany üşın kınälı tarap 50 ailyq eseptık körsetkış mölşerınde aiyppūl töleuge mındetteldı.
«Äkımnıŋ ıs-äreketın zaŋsyz dep tauyp, jer uchaskesınıŋ jalǧa alu merzımın ūzartu turaly şeşım qabyldaǧan bolatyn. Sol şeşımnıŋ oryndalmauyna bailanysty sot tarapynan aqşalai öndırıp alu turaly prosessualdy şara qoldanyldy. Atalǧan mäjbürleu şarasy äkımşılık aiyppūl bolyp tabylmaidy»,– dedı oblystyq mamandandyrylǧan audanaralyq äkımşılık sotynyŋ sudiasy Mūhit Mukaşev.
