Soŋǧy kezderdegı mūnai qorynyŋ sarqyla bastauy aimaqtaǧy būl salada jūmys jasaityn 10 myŋǧa juyq azamattyŋ äleumettık mäselesıne tıkelei äser etedı. Sol sebeptı de mūnai-gaz sektoryndaǧy kompaniialarda qyzmet etetın jūmysşylardyŋ jalaqysyn qysqartpau, eŋbekkerlerge äleumettık qoldau körsetu öte özektı. Äsırese, qyzmetkerlerdıŋ eŋbek şartynyŋ saqtaluy, olarǧa äleumettık tölemderdı uaqytyly töleu mäselelerı qoǧamda jiı köterılıp keledı. Sonymen bırge servistık qyzmet körsetetın käsıporyndar arasynda tariftı ūlǧaitu mäselesı de basy aşyq sūraqtardyŋ bırı.
Būl özektı mäselelerdı oŋtaily baǧytta şeşu üşın bügın oblys äkımı Nūrlybek Nälıbaev «Aqşabūlaq» ken ornyna baryp, jūmys prosesımen tanysyp, «Qazgermūnai» käsıpornyndaǧy eŋbek ūjymymen kezdestı.
Käsıporyndaǧy 200-ge juyq mamandarmen pıkırlesken aimaq basşysy kez kelgen kompaniia basşysy jūmysşylar mäselesıne kelgende şielenıske jol bermei, jūmys oryndaryn qysqartpai, tūraqty türde saqtap qalu üşın oŋtaily şeşım qabyldauy qajet ekenın alǧa tartty.
- Bügın bız oblys äkımdıgı, jūmys beruşı jäne käsıpodaq arasyndaǧy özara tüsınıstık pen yntymaqtastyq turaly Memorandum jasasuǧa jinalyp otyrmyz. Basty maqsat – eŋbek ūjymyndaǧy äleumettık jaǧdai men öndırıstık prosesterdıŋ tūraqtylyǧyn, jūmys oryndaryn saqtau jäne personaldy jūmyspen qamtudy ıske asyratyn şaralardy qabyldau. Osy rette, oblystaǧy ärbır jūmys beruşı qyzmetkerlerıne qolaily eŋbek jaǧdailaryn jasap, jalaqylaryn kezeŋ-kezeŋımen köbeitude naqty şaralar qabyldauy tiıs. Bız türlı ūjymdar arasyndaǧy kez kelgen äleumettık mäselelerdı ornyqty türde şeşuımız qajet. Būl rette käsıporyn men äkımdıktıŋ müddesı ortaq boluy kerek,- dedı Nūrlybek Nälıbaev.Jiynda kompaniianyŋ bas direktory Liu Şaoiu jäne bas direktorynyŋ bırınşı orynbasary Nūrjan Äbdırahmanov söz alyp, käsıporyn tarapynan atqarylǧan negızgı jūmystardy tızbektedı. Basqosu barysynda aimaq basşysy qyzmet körsetetın käsıporyndardyŋ tarifın ūlǧaitu mäselesın köterıp, ärıptesterınen mümkındıgıne qarai, mäselenı tiımdı şeşu jolyn qarastyrudy ūsyndy. Kezdesu aiasynda oblys äkımdıgı men kompaniia bırlesken memorandumǧa qol qoidy. Nätijesınde, būdan bylai kompaniia kezeŋ-kezeŋımen jūmysşylardyŋ eŋbekaqysyn köbeitıp, tariftı köteruge basymdyq beredı. Sondai-aq, biznestıŋ äleumettık jauapkerşılıgı baǧytynyŋ jalǧasy retınde «QazGerMūnai» käsıporny «Oquşylar saraiyn» salyp berudı öz mındetıne aldy. Aita keteiık, oblys äkımı men kompaniia basşylary arasyndaǧy kelıssözder arqasynda aimaqtaǧy 38 käsıporynda 8 myŋnan asa jūmyskerdıŋ jalaqysy 50 paiyzǧa deiın köbeidı.
