Elordada dauyl soǧyp, qatty jaŋbyr jauǧan kezde jas jıgıt balany ölımnen qūtqaryp qaldy, dep habarlaidy “Adyrna” ūlttyq portaly.
Üidegı balkonnan video tüsırıp tūrǧan jas jıgıt sudyŋ üstınen kışkentai balany baiqap qalady. Būl uaqytta köşede adam bolmaǧan.
Jıgıt jaŋbyrǧa qaramastan üiden jügırıp şyǧyp, sudan balany ızdeidı. Köpke deiın eşkımdı taba almaǧan. Bır kezde “Aǧai, kömektesıŋızşı” degen balanyŋ dausyn estidı. Bala būl uaqytta audarylǧan qaiyǧyna äreŋ jarmasyp tūrǧan. Jıgıt balany sudan şyǧaryp ülgergen. Artynşa ülkender de jetken. Baidarka mıngen balanyŋ esımı Ūlan eken. Al balany qūtqaryp qalǧan käsıpqoi jüzumen ainalysatyn Şahbek Esmahanov esımdı 20 jastaǧy jıgıt. Ol Qazaq tehnologiia jäne biznes universitetınıŋ studentı eken.“Adyrna” ūlttyq portaly
