Mektep oquşylary 3 saǧatta robot maşina qūrastyrdy. «INFOMATRIX – ASIA» halyqaralyq kompiuterlık jobalar jarysynyŋ jeŋımpazy Älinūr Tūrdyqūl robotty qalai jasaǧanyn tüsındırdı.
6-8 mausym aralyǧynda Suleiman Demirel atyndaǧy universitette halyqaralyq «INFOMATRIX – ASIA» baiqauy öttı. Elımızden jəne özge elderden jarysqa 365 önertapqyş qatysty. Qatysuşylar 6 baǧyt boiynşa jobalaryn ūsyndy: Robotics Computer, Programming Computer, Art Hardware, Control Systems, Short Movie, Mathematics Project.
Robotics Computer baǧyty boiynşa komandasymen I oryn alǧan Erasyl Qaiypov – Şymkent qalasyndaǧy «Bılım-İnnovasiia» mektebınıŋ 10-synyp oquşysy. Onyŋ aituynşa, mūndai jarystar IT salasy boiynşa özge oquşylarmen täjıribe almasuǧa kömektesedı.
«Bız būl jarystyŋ bolatynyn bır ai būryn bıldık. Bırneşe apta boiy Arduino USB bazalyq platformasy arqyly robot maşina qūrastyryp, baiqauǧa daiyndaldyq. Būl jeŋıs bızdıŋ komandamyzǧa tynymsyz eŋbektıŋ arqasynda keldı. Jarysta tapsyrmany oryndauǧa 5 saǧat uaqyt berıldı, bıraq bız 3 saǧatta robot maşinany qūrastyrdyq. Robotymyz tık törtbūryş arenada är būryşta tūrǧan zattardy alyp, ortadaǧy sary şeŋberge qoiady. Ony Bluetooth modul arqyly telefondaǧy qosymşanyŋ kömegımen basqaramyz, belgılı bır gradusta qisaita alamyz. Baiqauda I oryn alǧanymyzǧa öte quanyştymyz. Mūndai jarystar bızge özge memlekettıŋ baǧdarlamalauǧa qyzyǧatyn jas önertapqyştarymen tanysuǧa, täjıribe almasuǧa kömektesedı», – dep tüsındırdı ol.Jeŋımpaz komandanyŋ müşelerı Älinūr Tūrdyqūl men Erasyl Tügelbai kelesı jyly 11-synyp bıtırgende osyndai halyqaralyq baiqaulardan alǧan jetıstıkterı universitetke grantqa tüsuge kömektesetıne quanyşty. Şaranyŋ ūiymdastyruşysy, IT salasynyŋ mamany İsmail Gesannyŋ aituynşa, jyldan jylǧa jarysqa qatysuşy oquşylardyŋ deŋgeiı joǧarylap, qatysqysy keletın oquşylardyŋ sany artyp keledı.
«INFOMATRIX – ASIA» biyl 8-şı ret ūiymdastyrylyp otyr. Jarys jyl saiyn dästürlı türde Suleiman Demirel universitetınde ūiymdastyrylady. Būl baiqaudyŋ basqalardan aiyrmaşylyǧy – bır kategoriia boiynşa ǧana emes, 6 baǧyt boiynşa ötkızıluı. Balalardyŋ IT salasy boiynşa qabıletterın ärtürlı baǧyttar boiynşa tekseru öte maŋyzdy. Jarysqa 400-den astam joba tırkeldı. Komissiia müşelerı 165 jobany ırıktep aldy. Baiqauǧa barlyǧy 365 oquşy qatysty. Olardyŋ jūmystaryn Google, Facebook siiaqty älemdık kompaniialardy jūmys ısteitın mamandar baǧalady. Biyl qatysuşylardyŋ deŋgeiı joǧary. Balalardyŋ aqparattyq tehnologiialar salasyna qyzyǧuşylyǧy artyp keledı, jyldan jylǧa deŋgeilerı de jaqsaryp kele jatqanyn baiqadyq. Bolaşaqta osy oquşylar myqty IT mamany bolady degen ümıttemın», – dedı «Bılım-İnnovasiia» halyqaralyq qory IT-departamentınıŋ basşysy. Aqparattyq tehnologiialar salasyn damytuǧa baǧyttalǧan baiqau QR Bılım jəne ǧylym ministrlıgınıŋ qoldauymen «Bılım-İnnovasiia» HQQ ūiymdastyruymen öttı.
