Jer kölemı boiynşa 9-şy orynda tūrǧan Qazaqstan saiahatşylarǧa demaluǧa arnalǧan türlı körkem jerlerdı ūsynady. Qysta şaŋǧy tebu bolsa, jazda kölge şomylu, tauǧa şyǧu sekıldı demalys türlerınıŋ bärı bar.
Jaǧajai kurortyna barǧyŋyz kelse, Aqtau qalasyna baryŋyz. Kaspii teŋızınıŋ jaǧalauyn tamaşalaudyŋ özı adamǧa küş syilaidy. Sondai-aq, būl qalada besjūldyzdy - “Rixos Water World Aktau” qonaq üiı bar. Qonaqtarǧa arnalǧan fitnes ortalyqtar, baqşalar, basseinder men türlı meiramhanalar salynǧan. Kün saiyn taŋerteŋ taŋǧy as ūsynylady. Qonaq üide üstel tennisı men tennis oinauǧa bolady. “Rixos Water World Aktau” - Aqtau äuejaiynan 43 km qaşyqtyqta ornalasqan. Baǧalary bölmelerıne qarai ärtürlı boluy mümkın. Eger, arnaiy jekemenşık turlarmen Almaty qalasynan barar bolsaŋyz, 2 adamǧa 6 künge şamamen 977000 şamasynda körsetılgen. Būl turdyŋ ışıne mynalar kıredı:
• ūşaq baǧasy;
• qonaq üige ornalastyru;
• toptyq transferler;
• tamaqtandyru;
• medisinalyq saqtandyru.
Osyǧan qarap, turmen barasyz ba, nemese özıŋız jeke barǧandy qūp köresız be, ony şeşu öz erkıŋızde.
Sondai-aq, Almaty men Nūr-Sūltan qalasynda da demalatyn jerler öte köp. Elımızdıŋ astanasy zäulım ǧimarattary men damyǧan infraqūrylym ortalyǧymen äigılı bolsa, al Almaty qalasy jasyl jelekter men baqtardyŋ köptıgımen, biık taularymen köz tartady. Şaŋǧy demalysyn ūnatatyndar tanymal “Şymbūlaq” kurortyna baruy kerek. Būl kurort - Ile Alatauynyŋ äsem şatqalynda teŋız deŋgeiınen 2260 metr biıktıkte, Almatynyŋ ortalyǧynan kölıkpen 15 minuttyq jerde ornalasqan. Bügınde Şymbūlaqqa jasta, kärıde jiı barady.
Al bärımızge tanymal Burabaida demalu qūny qanşa? borovoe.kz saitynyŋ aituy boiynşa, Burabaida demaludy kez kelgen adamnyŋ qaltasy köteredı. Saiahat turaly tüsınıkke ie bolu üşın sız turdyŋ qūnyn ǧana emes, sonymen qatar qalanyŋ özınde tūrudy, joldyŋ qūnyn bıluıŋız kerek. Burabaidaǧy şipajailardyŋ baǧasyn turoperatordan aluǧa bolady, al endı kölık pen tamaq qūnyna zer salaiyq:
Benzin baǧasy būl jaqta qymbat, sol üşın taksi qūny da soǧūrlym köp. Tamaq qūnyna keler bolsaq, ol meiramhanalardyŋ därejelerıne bailanysty bolady. Tüskı as qūny şamamen 2500tg qūraidy. Al dükenderdegı azyq-tülık baǧasy barlyq jerde bırdei. Alaida, aqşaŋyzdy ünemdegıŋız kelse, bırden bazarǧa barsaŋyz bolady. Ol jaqtyŋ baǧasy dükenderder qaraǧanda äldeqaida tömen. Al endı Burabaidyǧy qonaq-üi men şipajailardyŋ baǧalaryn aita keteiın:
• “Samal” qonaq üiı - 8000tg;
• “Altyn-kül” qonaq üiı - 6000tg;
• “Şuchinskii» şipajaiy - 8500tg;
• “Jasyl orman” şipajaiy - 9500tg;
• “Alem+” qonaq üiı - 7000tg;
• “Jūmbaqtas” qonaq üiı - 5500tg.
Sondai-aq, “Altyn emel”, “Kölsai”, “Şaryn kanony”, “Tautürgen” sekıldı jerler otbasyŋyzben şyǧyp demalyp, boi sergıtıp, tamaşa tabiǧatpen tıldesıp qaitatyn körıktı jerler. Mysaly, Almaty oblysy Eŋbekşıqazaq audany, Türgen auyldyq okrugı qūramyndaǧy auyl – Tautürgen - demalyp, boi jazyp qaituǧa arnalǧan taptyrmas jer. Būl jerde özıŋız balyq aulap, sony quyryp, özıŋız jei alasyz. Sonymen qatar, ol jaqta qonaqtarǧa arnaiy kiız üiler tıgılgen. Qazaqi atmosferany sezıngıŋız kelse, osy jerge attaesaŋyz bolady.
Eŋ aldymen demalysqa attanbas būryn, bırınşı aua-raiy boljamymen tanysyp alǧanyŋyz jön. Sömkeŋızdı jinap, Qazaqstannyŋ qai jerınde demalamyn dep oilap otyrsaŋyz, öz qyzyǧuşylyǧyŋyzǧa qaraŋyz. Sebebı, Qazaqstanda zamanaui jerler de, köne tarihi jerler de, tabiǧatpen bailanysqa şyǧatyn jerler de öte köp. Qarajatyŋyzǧa sai är jerde demaluǧa mümkınşılıgıŋız bar, tek dūrys baǧytty, dūrys jerdı anyqtap alsaŋyz bolǧany.
Roza DÄULETHANQYZY,
«Adyrna» ūlttyq portaly
