Iadrolyq qarýǵa tyıym salý týraly shartqa qatysýshy memleketterdiń alǵashqy kezdesýi 2022 jyly 21-23 maýsymda Vena qalasynda ótedi. Bul týraly Premer-Mınıstrdiń orynbasary – Syrtqy ister mınıstri Muhtar Tileýberdi aıtty, dep habarlaıdy «Adyrna» tilshisi.
«Sharttyń 2021 jyly qańtarda kúshine enýi BUU-ǵa múshe memleketterdiń ıadrolyq qarýdy delıgıtımaııalaý – ony zańnan tys dep jarııalaý jóninde naqty sharalar qabyldaýǵa degen sheshimin kórsetetin, kútilgen sıgnal boldy. Bul – ıadrolyq synaqtardyń barlyq zııandy saldaryn bastan keshirgen halqymyz úshin erekshe oqıǵa. BUU Bas Assambleıasynyń 75-shi sessııasynda sóılegen sózinde Qazaqstan Respýblıkasynyń Prezıdenti Qasym-Jomart Toqaev atap ótkendeı, «Búginde Qazaqstan óziniń ıadrolyq zymyran arsenalynan óz erkimen bas tartqan jáne álemdegi eń iri atom synaq polıgonyn japqan jaýapty memleket retinde búkil álem úshin mysal jáne úlgi». Ýkraınadaǵy qazirgi áskerı qaqtyǵys, ıadrolyq qarýdy qaıtarý týraly áńgimeler jáne ony qoldanýdyń qaýipteri bizdi adamzattyń ujymdyq osaldyǵy týraly jáne qyrǵynǵa ushyratatyn qarýǵa tyıym salý men joıýdyń shuǵyl qajettiligi týraly oılanýǵa májbúr etedi. Biz barlyq memleketterdi, sonyń ishinde ıadrolyq derjavalardy, BUU-nyń 100 jyldyq mereıtoıyna oraı, 2045 jylǵa deıin ıadrolyq qarýdy tolyq joıýdyń kezeńdik josparyn ázirleýge shaqyramyz. Osy maqsatqa qol jetkizý týraly usynystar men ýaǵdalastyqtar IaQTSSh-nyń birinshi konferenııasynyń da, IaQTSh-nyń sholý konferenııasynyń da qorytyndy qujattarynda kórsetilýi múmkin. Qazaqstan osy ıgi maqsatqa qol jetkizý jolynda kóptegen saıası jáne tehnıkalyq kedergiler bar ekenin túsinedi. Osy baǵytta praktıkalyq jumysqa kirisýdi qajet dep sanaımyz»,– dedi ol.