Iаdrolyq qaruǧa tyiym salu turaly şartqa qatysuşy memleketterdıŋ alǧaşqy kezdesuı 2022 jyly 21-23 mausymda Vena qalasynda ötedı. Būl turaly Premer-Ministrdıŋ orynbasary – Syrtqy ıster ministrı Mūhtar Tıleuberdı aitty, dep habarlaidy «Adyrna» tılşısı.
«Şarttyŋ 2021 jyly qaŋtarda küşıne enuı BŪŪ-ǧa müşe memleketterdıŋ iadrolyq qarudy deligitimasiialau – ony zaŋnan tys dep jariialau jönınde naqty şaralar qabyldauǧa degen şeşımın körsetetın, kütılgen signal boldy. Būl – iadrolyq synaqtardyŋ barlyq ziiandy saldaryn bastan keşırgen halqymyz üşın erekşe oqiǧa. BŪŪ Bas Assambleiasynyŋ 75-şı sessiiasynda söilegen sözınde Qazaqstan Respublikasynyŋ Prezidentı Qasym-Jomart Toqaev atap ötkendei, «Bügınde Qazaqstan özınıŋ iadrolyq zymyran arsenalynan öz erkımen bas tartqan jäne älemdegı eŋ ırı atom synaq poligonyn japqan jauapty memleket retınde bükıl älem üşın mysal jäne ülgı». Ukrainadaǧy qazırgı äskeri qaqtyǧys, iadrolyq qarudy qaitaru turaly äŋgımeler jäne ony qoldanudyŋ qauıpterı bızdı adamzattyŋ ūjymdyq osaldyǧy turaly jäne qyrǧynǧa ūşyratatyn qaruǧa tyiym salu men joiudyŋ şūǧyl qajettılıgı turaly oilanuǧa mäjbür etedı. Bız barlyq memleketterdı, sonyŋ ışınde iadrolyq derjavalardy, BŪŪ-nyŋ 100 jyldyq mereitoiyna orai, 2045 jylǧa deiın iadrolyq qarudy tolyq joiudyŋ kezeŋdık josparyn äzırleuge şaqyramyz. Osy maqsatqa qol jetkızu turaly ūsynystar men uaǧdalastyqtar IаQTSŞ-nyŋ bırınşı konferensiiasynyŋ da, IаQTŞ-nyŋ şolu konferensiiasynyŋ da qorytyndy qūjattarynda körsetıluı mümkın. Qazaqstan osy igı maqsatqa qol jetkızu jolynda köptegen saiasi jäne tehnikalyq kedergıler bar ekenın tüsınedı. Osy baǧytta praktikalyq jūmysqa kırısudı qajet dep sanaimyz»,– dedı ol.
