Konstıtýııaǵa sáıkes, Qazaqstannyń tuńǵysh basshysy bul laýazymǵa ómiriniń sońyna deıin saılaýǵa túse alady
ASTANA, 21 maýsym Qazaqstan parlamenti senatynyń tóraǵasy Qasym-Jomart Toqaev Nursultan Nazarbaev 2020 jyly ótýi tıis kezekti prezıdent saılaýyna túspeıdi dep esepteıdi. Bul týraly RIA Novostı jazdy.
"Ashyǵyn aıtaıyn, men prezıdent Nazarbaev 2020 jylǵy prezıdent saılaýyna qatysatynyna senbeımin. Óıtkeni ol aqyldy adam, óte parasatty. 2020 jyly bizde prezıdent saılaýy Nazarbaevtan basqa kandıdattarmen ótedi dep oılaımyn", — dedi Toqaev Bı-bı-sıdegi Hardtalk baǵdarlamasyna bergen suhbatynda.
Sonymen qatar senat spıkeri bul óziniń "jeke pikiri" ekenin atap ótti.
"Árıne, saılaýǵa bara ma, joq pa, bul prezıdent Nazarbaevtyń ózine baılanysty nárse. Alaıda ol saılaýǵa túsetinine senbeıtinimdi ashyq aıtýǵa tıispin", — dep málimdedi Toqaev.
"Eger prezıdent Nazarbaev tipti el prezıdenti bolmasa da, ishki jáne syrtqy saıasatqa zor yqpal etetin bolady", — dep túıindedi senat basshysy.
Esterińizde bolsa 2015 jyldyń 26 sáýirinde ótken sońǵy kezekten tys prezıdenttik saılaýda memleket basshysy saılaýshylardyń 98% daýysyn ıelenip, besinshi ret jeńiske jetti. Onyń ókilettigi 2020 jyldyń sáýirinde aıaqtalady. Kostıtýııaǵa sáıkes, Nazarbaev Qazaqstannyń tuńǵysh prezıdenti retinde bul laýazymǵa ómir boıy saılaýǵa túse alady. Jáne prezıdent bolyp saılanbaǵan kúnniń ózinde Konstıtýııalyq keńestiń ómir boıǵy múshesi bolady.
Aıda QOJMAMBETOVA