Almaty qalasy boiynşa Ekonomikalyq tergeu departamentı «Reiderlık» baby boiynşa üstınen ız qozǧalǧan Maira Qūrmanǧalieva (Bolat Nazarbaevtyŋ zaiyby) ötken senbıde Raiymbek audanyndaǧy ataqty Şūbartal jailauynda anasynyŋ 90 jyldyq mereitoiyn dürkıretıp atap öttı, dep habarlaidy «Adyrna» ūlttyq portaly.
"nege.kz" saitynyŋ jazuynşa, älgı toiǧa qonaqtar Qazaqstannyŋ är jerınen kelıptı. Äsırese, atbegıler tūlparlaryn baptap, arnaiy jetken. Öitkenı bäigege bırneşe kölık tıgılgen.«Jūmadan bastap bızdıŋ audandy qonaqtar basyp qaldy. Almaty jaqtan aǧylǧan kölıkter ırkes-tırkes bolyp, Şūbartal jailauyna qarai örlep jatty. Nebır qymbat kölıkter arnaiy tırkememen bäige attaryn alyp keldı. Auyldyŋ attaryn bäigege bölek qosty, qalalyq tūlparlar bölek şapty. Jorǧa jarys, qūnan bäigenı de tamaşaladyq. Bäigeden bırnşı kelgenderdıŋ bärı kölık mındı. Küresken paluandar da jüldesız qalǧan joq», – deidı toi kuägerı.
Tūrǧyndardyŋ aituynşa, toidyŋ mändı de sändı ötuıne Raiymbek audanynyŋ äkımdıgı atsalysqan. Audandaǧy on bır auyldyq okrug bır-bır kiız üiden tıgıp berıptı. Alaida Almaty oblysy äkımdıgınıŋ ökılderı būl aqparatty joqqa şyǧardy. Olardyŋ aituynşa, toiǧa tek auyl belsendılerı ǧana atsalysqan.Toidyŋ dürkırep ötuıne estrada änşılerı üles qosqan. Mäselen, änşı Mädina Säduaqasova toidan körınısterdı özınıŋ äleumettık jelıdegı paraqşasyna salǧan.
«Mairanyŋ özın körmedık. Estuımızşe, özı toiǧa kele almaǧan. «Üstınen qylmystyq ıs qozǧalǧan» dei me, äiteuır jūrt ony älı de şetelde eken dep jür. Anasy men bauyrlary, tuystary toida jürdı. Al özın körmedık», – dedı kuäger.
«Adyrna» ūlttyq portaly
