Almatyda Aqparat jäne qoǧamdyq damu ministrı Asqar Omarovtyŋ qatysuymen BAQ jönındegı zaŋ jobasy talqylanyp jatyr.
Būǧan deiın BAQ jönındegı zaŋdy talqylaudyŋ alǧaşqy otyrysy ötken bolatyn. Jūmys tobynyŋ qūramynyŋ 63 müşesı bar.
Ministrdıŋ aituynşa, zaŋ jobasy aiasynda negızınen jurnalistıŋ märtebesı, qūqyqtyq qorǧaluy, memlekettık tapsyrys jäne basqa taqyryptar boiynşa talqylau jürıp jatyr.
Jūmys tobynyŋ 63 müşesınen özge sarapşylar da qatysyp jatyr. Sarapşy bolyp qatysuǧa eşqandai şekteu joq, bärı qatysa alady. BAQ jönındegı zaŋ aiqyn talqylanu kerek,-dedı Omarov.
Ministr sondai-aq äleumettık jelını qoldanuşylar da aqparat taratumen ainalysyp jatqanyn aita kele, olarǧa da erekşe märtebe beru jaǧyn qarastyratyndaryn jetkızdı.
Qazır äleumettık jelıde köptegen pablikter jurnalister siiaqty aqparat taratyp jür. Jūmys tobyndaǧylar olarǧa BAQ kommunikasiiasy degen märtebenı qaitarsaq dep otyr. Ekınşı jaǧynan jurnalister mamandyǧy joq ondai alaŋdarmen özderın şatastyrǧysy kelmeidı jäne bölek jurnalistık märtebe berulerın sūrap tūr. Talqylaudan keiın bır toqtamǧa keluımız qajet,-dedı ol.
A. Omarov jurnalister nege baspana baǧdarlamasyna jäne basqa da jeŋıldıkterge ie bola almai otyrǧanyn aitty.
Qazır jurnalisterdıŋ keibırı memlekttık BAQ-ta ıstese, taǧy bırı jeke mengıkte jūmys ıstep jür. Qazır jurnalist degen kım ekenın naqtylap aluymyz kerek. Jurnalisterdı äleumettık baǧdarlamaǧa engızsek, erteŋ jalǧan jurnalister köbeiıp ketedı. Redaksiiaǧa tırkelıp, jalǧan kuälık alyp alatyndar şyǧady. Jurnalistık diplomy bar adam jurnalist pe, älde osy salada bes jyldan kem emes jūmys ıstegen adam jurnalist pe? Mıne qazır osy jaǧyn naqtylap aluymyz kerek,-dedı ministr.
Basqalarmen bölıse
otyryŋyz
