25 mausymda Sankt-Peterburgte Aleksandr Lukaşenko men Vladimir Putin kezdestı.
Lukaşenko Putinmen qorǧanys mäselelerın talqylau maŋyzdylyǧyn atap öttı.
“Bızdı körşılerımızdıŋ jürgızıp otyrǧan saiasatynyŋ saldarynan tuyndaǧan jaǧdailar alaŋdatyp otyr. Aityp otyrǧanym Polşa men Litva elderı. Olar bızge qarsylyq tanytqysy keledı. Olar sızge de qyr körsetkısı keledı. Mäselen, Ukrainadaǧy jaǧdaidy alyp qaraiyq, soŋǧy kezderı ol jaqta Polşadan kelgen jaldamaly jauyngerler köbeiıp kettı. Mūndai saiasat ūstanudyŋ ne qajetı bar? Olardyŋ artynda äldekımderdıŋ tūrǧany belgılı. Degenmen mūndai saiasat jiırkenıştı, ıs-qimyldary agressivtı Litvanyŋ äreketterı osyndai. Soŋǧy kezderı olardyŋ Reseiden Belarus arqyly Kaliningradqa tranzittık tasymaldaudy toqtatu, Kaliningradty oqşaulau jospary turaly aqparat legı taraluda. Būl soǧys jariialaumen bırdei, qazırgı kezde mūndai dünielerge jol beruge bolmaidy”, – deidı Lukaşenko.Sonymen qatar Belarus basşysy AQŞ pen NATO ūşaqtarynyŋ oqu-jattyǧu şaralaryn jürgızuıne alaŋdauly ekenın jetkızdı.
"Būl bızdı üreilendıredı. Sondyqtan sızden osy jaǧdailarǧa qarama-qaişy jauap qaitaru mäselesın qarastyrudy sūraimyn. Olar iadrolyq zymyrandardy tasymaldau boiynşa jattyǧu jürgızude. Mümkın bolsa, bızge kem degende iadrolyq qarudy tasymaldai alatyn ūşaǧymyzdy beiımdeuge kömektesıŋız. Ärine, erteŋ künı iadrolyq qarudy jetkızemız degım kelmeidı, bıraq bız saqadai sai otyruymyz qajet. "1941 jyly da bärı jaqsy bolady, bärı tynyş, eşkım şabuyl jasamaidy" dep ūiyqtap jatyp edık qoi.Bıraq soŋynda eşnärse de daiyn emes bolyp şyqty. Sondyqtan būl bızdı oilandyratyn jaǧdai. Būl sūraqty aldyŋyzda bırınşı ret köterıp jatqan joqpyn. Sızdıŋ qorǧanys ministrlıgınde ne talqylaǧanyŋyzdy bılemın. Endı jaǧdaidyŋ qalai örbitının estıgım keledı. Bärıne daiyn boluymyz kerek degım keledı. Tıptı Brestten Vladivostokqa sozylǧan Otanymyzdy qorǧau üşın auyr qaru qoldanuǧa da äzır bolǧanymyz jön. Amerikalyqtar qajet bolmasa, NATO-daǧy serıktesterın paidalanyp, ne üşın daiyndyq jürgızıp jatyr dep oilaisyz?” – dep qosty ol. Putin Europadaǧy NATO-nyŋ 6 elınde amerikalyqtardyŋ 200 taktikalyq iadrolyq qaruy jäne olardy qoldanuǧa arnalǧan 257 ūşaǧy bar ekenın aitty. Būǧan qosa ol Su-25 ūşaǧyn jabdyqtaudy ūsynyp, Belarus "İskander-M" taktikalyq zymyrandyq keşenderın ie bolatynyn qosty.
"Äzırge NATO ūşaqtarynyŋ Belarus aspanynda jürgızıp jatqan oqu-jattyǧu şaralaryna jauap beru qajet emes. Belarus armiiasy Su-25 ūşaqtaryna ie, qazır olardy qaita jabdyqtap, ūşqyştar qūramyn oqytudy bastauǧa bolady. Kelıskenımızdei, aldaǧy bırneşe aidyŋ ışınde Resei Belarus elıne qarapaiym jäne iadrolyq nūsqadaǧy ballistikalyq jäne qanatty zymyrandardy da qoldana alatyn "İskander-M" taktikalyq zymyran jüielerın beremız”, – dedı ol.Būǧan qosa Resei prezidentı odaqtas elderdı qūru jaily aitty.
“Ärine, Odaqtas elderdı qūru turaly sūraqtar kün tärtıbınde tūr. Qazır jauapty vedomstvolarmen bärın aiqyndap qoidyq, endı olardy qalai ıske asyratynymyz jaily oilanuymyz kerek”, – dedı Putin.
“Adyrna” ūlttyq portaly
