Seŋ qozǧaldy, aǧaiyndar!
Jūdyryqtai jūmylyŋyzdar!
Äkımderge jaltaqtap otyratyn uaqyt kelmeske kettı.
BŪRYNǦY OBLYSTYQ JER İNSPEKSİIаLARY «JER RESURSTARYN RETTEU DEPARTAMENTI» BOLYP ÖZGERIP, AUDAN TÜGILI OBLYS ÄKIMDIGINE DE BAǦYNBAITYN BOLDY.QR Prezidentı Qasym-Jomart Toqaevtyŋ 2022 jylǧy 1 qaŋtardaǧy şeşımımen būrynǧy oblystyq jer inspeksiialary «Jer resurstaryn retteu departamentterı» bolyp özgerıp, tıkelei Astanadaǧa Auylşaruaşylyǧy ministrlıgı janyndaǧy Jer resurstaryn retteu komitetıne qaratylyp, oblys äkımdıgıne de, audan äkımdıgıne de baǧynbaityn, qūzıretı bölek organ bolyp, jeke enşısın alyp şyqty. Endı atalǧan departament äkımşılıkterdıŋ üstınen jerdı paidalanudy, äkımderdıŋ qandai şeşımder şyǧaryp otyrǧanyn baqylaityn vertikaldı organǧa ainaldy. Qazırgı jer daularynyŋ şeşımın tabuyna būl özgerıstıŋ maŋyzy öte zor bolyp tūr. Qūrmettı aǧaiyndar, prezidenttıŋ būl şeşımı äkımşılıkpen sybailasqan jemqorlarǧa qaqpan bolǧan öte dūrys şeşım boldy. Osy prosesterge bailanysty bız jer daulary boiynşa şūǧyl äreketterge kırısıp kettık. Būl mälımettı Qazaqstanǧa belgılı jurnalist, zaŋger, qoǧam belsendısı Amangeldy Batyrbekov aǧamyz basşylyq etetın «S-İNFORM» respublikalyq aqparattyq basylymy «JER İNSPEKSİIа BASQARMASY ENDI DEPARTAMENT BOLDY» degen taqyryppen arnaiy maqala etıp basyp şyǧarǧan sätten bastap, bız äreket jasap, departamenttegı mamandarmen tyǧyz jūmys ıstep, jaqsy nätijelerge jettık. Būl nätijelerdı kelesı maqalalarda retımen salyp otyramyn. Prezidenttıŋ osy şeşımı şyqqanan keiın, qazır Qazaqstannyŋ barlyq oblystarynda jer daulary qaita köterılıp, jerdı halyqqa qaitaru prosesterı bastaldy. Türkıstan qalasynda QR AŞM janyndaǧy Jer resurstaryn retteu komitetınıŋ töraǧasy Mūrat Temırjanov ūiymdastyrǧan mäjılıske arnaiy kelıp, Altyntöbe auyly okrugındegı 30 jyl boiy uşyqqan, tıptı azamattary sottalyp jatqan jer dauy töŋıregındegı jaǧdaidardy aittym. Mäjılıske äkımder, departament basşylary, barlyq audandardan adamdar kelıp qatysty. Bırınşı basşyǧa Altyntöbe auyly okrugındegı oryn alǧan dauly mäselelerdıŋ resmi aqparattyq basylymdarǧa basylyp şyqqanyn jetkızdım. Däl qazırgı uaqytta AŞM janyndaǧy Jer resurstaryn retteu komitetınıŋ töraǧasy Mūrat Temırjanov eldıŋ barlyq oblystaryna, audandaryna, auyl okrugterı men auyldaryna deiın baryp, halyqpen kezdesıp, uşyqqan jaǧdaidy öz közımen körıp, elmen tyǧyz jūmys jasap, jerdı halyqqa retımen qaitaryp jatyr. Departamentterdıŋ bärı jūmysqa kırıstı. Seŋ qozǧaldy aǧaiyndar. Bärıŋız yntymaq pen bırlıkke kelıp, jerdı halyqtyŋ igılıgıne qaitaruǧa jūmylatyn kezeŋde tūrsyzdar. Sızderge jer daulary boiynşa ıstep jatqan jūmystardyŋ nätijelerın ortaǧa salyp otyramyn. Jer daularyna qatysty nazarlaryŋyzǧa bırneşe maqala şyǧaramyn. Sızderge būl aqparattar öte qajet bolady degen senımdemın!
Bekbolat QARJAN
