Mausymnyŋ är üşınşı jeksenbısı - medisina qyzmetkerlerı künı. Osyǧan orai, Almaty oblysynyŋ ortalyǧy Qonaev qalasynda aq halattylarǧa qūrmet körsetıldı. Saltanatty jiynǧa oblys basşysy Marat Eleusızūly qatysyp, därıgerlerdıŋ eŋbekterın erekşe elep öttı.
“Kez kelgen memlekettıŋ eŋ basty mındetterınıŋ bırı el azamattarynyŋ densaulyǧyn arttyru. Soŋǧy ekı jylda, pandemiiamen küres kezınde täjıribelı därıgerler barynşa jūmysyn körsetken qyzmetkerlerge zor rizaşylyǧymdy bıldıremın. Qaŋtar oqiǧasy kezınde jaraqat alǧan azamattarǧa jedel medisinalyq kömek körsetken därıgerlerdıŋ eŋbegı ölşeusız. Köp adamdar jūmys ornyn tastasa da, sızderge mūndai mümkındık bolmady. Sondyqtan da halyqtyŋ rizaşylyǧy sızderge erekşe. Antyna adaldyq tanytyp, kün saiyn erlıkke teŋ ıs atqaryp jürgen sızderdıŋ ärqaisysylaryŋyz qūrmetke laiyqsyzdar”-, dedı Marat Eleusızūly öz sözınde.Jiynda künı-tünı jarǧaq qūlaǧy jastyqqa timei, derttıŋ emın tauyp, küş-jıgerın salyp jürgen medisina qyzmetkerlerı “Densaulyq saqtau ısıne qosqan ülesı üşın” tösbelgısımen, “eŋbek ardagerı” medalımen nagradtaldy. Sonymen qatar, “2022 jyldyŋ üzdık medisinalyq qyzmetkerı” baiqauynyŋ jeŋımpazdary “Üzdık därıgerlık ambulatoriia”, “Üzdık äleumettık qyzmetker” nominasiiasymen marapattalyp, jeŋımpazdarǧa diplom men aqşalai syilyq tabystaldy. Üzdıkter arasynda Almaty aimaqtyq balalar klinikalyq auruhanasyna därıgerı Qarasaev ta bar. Ol būl baiqauda “Stasionardyŋ üzdık dırıgerı” nominasiiasyn jeŋıp, 7 million teŋgege ie boldy.
“Auyldyq jerlerdı örkendetu, damytu maqsatynda “diplommen auylǧa” baǧdarlamasy ūiymdastyrylyp, öz nätijesın berude. Men de universitettı bıtırıp, Ötegen batyr auyly, Almaty aimaqtyq balalar klinikalyq auruhanasyna därıger bolyp ornalastym. Auyldyq jerlerde balalardyŋ densaulyǧyna den qoiyp, barlyq küş-jıgerımızdı salyp kelemız. Atauly künde eleŋgen eŋbek tek menıkı ǧana emes, bükıl ūjymnyŋ jeŋısı”- dep atap öttı Ramil Qarasaev.Aita keterlıgı elımızde medisina qyzmetınıŋ sapasyn jaqsartuǧa myqtap köŋıl bölınıp jatyr. Maqsatynda medisina salasyna bölıngen qarajat kölemı de ūlǧaiyp keledı. Mäselen biyldyŋ özıne būl salaǧa 4,4 milliard teŋgeden astam qarajat bölıngen. Jyl saiyn ǧimarattar men tehnikalyq baza jaŋartylyp keledı. Sonymen qatar soŋǧy üş jylda 354 därıger jaŋadan jūmysqa tūrǧan.
