Aldymen "Jalǧyz tal jauqazyn", sodan soŋ "Jailauda jaiqalǧan jauqazyn" degen ekı maqala jazdyq. Alǧaşqysynda osydan qyryq tört jyl būryn qyzylordalyq talantty fototılşı Bolat Omaräliev tüsırgen äserlı surettegı säigülık mıngen sūluǧa ızdeu saldyq. Ekınşısınde atqa mıngen arudyŋ Qyzylordanyŋ ırgesınen tabylǧanyn aittyq. Bızdıŋ ötınışımız boiynşa "Syr boiy" gazetınıŋ jauapty hatşysy Däuırjan Elubaev pen fototılşı Nūrbolat Nūrjaubai arnaiy baryp äŋgımelesıp, keiıpkerdı suretke tüsırıp, qazırgı keipın körsettı. Endı bügın Syr boiyna jol tüstı. Arnaiy kelgen negızgı şaruamyzdy rettegen soŋ, bır kezdegı jalǧyz tal jauqazynmen jolyǧudy jön sanadyq. Syrqattanyp jatqan Bolat aǧa bara almady. Sondyqtan Däuırjan men Nūrbolatty qasyma ertıp aldym. Ol ekeuı būlarmen keşe ǧana tanyssa da, qyryq jyldan berı sol üide jürgen adam sekıldı aiaqtaryn alşaŋ basady.
Jalǧyz tal jauqazyn jaiqalyp, gül-baqşaǧa ainalypty. Özı sözge şeşen, oiyŋa kele bermeitın tırkesterdı tüidektetıp tüsıredı. Bızdıŋ kelgenımızdı estıgen aǧaiyn-tuystary tügel jinaldy. Özderı tūtas bır köşenı tügel jailap jatyr eken. Jalǧyz Ürläi ǧana emes, aǧaiyndarynyŋ bärı şetınen qara sözge aǧyp tūr. Äulettıŋ ülkenı sanalatyn bır äjeige äŋgıme bolsyn dep, "Apa, qanşaǧa keldıŋız?", - dei salyp edım, myrs ettı de, "Qaraǧym, qyzdyŋ jasyn sūramaidy", - dep qaiyryp tastady sypaiy ǧana. Tılımdı tıstep ala jazdadym. Jyrpyldap nem bar edı... Ömırımde sözden jeŋılgenım. Oŋbai tüstım. Sony sezgendei, "Qaljyŋ ǧoi şyraǧym, seksen ekıge endı ǧana keldım", - dep, taǧy da bır qaǧyp jıberıp, qalpaqtai ūşyrdy. Berekesı kelısken, sözdıŋ qadırın bıletın, äzıldı ornymen aita bıletın, ösıp-öngen, jaŋaryp-jetılgen äulet eken. Ürlaida es joq. "Menı bauyrlarym ızdep keldı", - dep, tynbai şapqylap jür. Arasynda közınıŋ jasyn syǧyp alady...
Mıne, bır surettıŋ tarihy. Ony ärı qarai tolyqtyryp, tügeldep, maiyn tamyzyp, qara sözben jyrlau bızdıŋ Däuırjanǧa jükteldı... O, endı onyŋ jazuy bölek... Tılınıŋ maiyn tamyzady. Qara sözden qūiyn tūrǧyzady...
Qaityp baramyz... Şuaqty şaŋyraq oiymyzdan keter emes. Sūlulyq ta, jylylyq ta osy üidıŋ törıne kelıp qonaqtaǧan sekıldı...
Aman jür, atty aru!
Mıne, bır surettıŋ tarihy. Ony ärı qarai tolyqtyryp, tügeldep, maiyn tamyzyp, qara sözben jyrlau bızdıŋ Däuırjanǧa jükteldı... O, endı onyŋ jazuy bölek... Tılınıŋ maiyn tamyzady. Qara sözden qūiyn tūrǧyzady...
Qaityp baramyz... Şuaqty şaŋyraq oiymyzdan keter emes. Sūlulyq ta, jylylyq ta osy üidıŋ törıne kelıp qonaqtaǧan sekıldı...
Aman jür, atty aru!
Bauyrjan OMARŪLY
