Qazaqstan şahmat Federasiiasynyŋ baspasöz qyzmetı Bibısara Asaubaevnyŋ mälımdemesıne qatysty pıkır bıldırdı, dep habarlaidy «Adyrna» tılşısı.
«Federasiia jūmysy üşın memleketten eşqandai qarjy sūralmady. Memleket basşysymen jäne äkımşılıkpen kezdesu kezınde QR şahmat tūjyrymdamasy qarastyryldy. Būl bırneşe märte jariialandy. Oǧan dälel retınde, Qazaqstannyŋ mädeniet jäne sport ministrı Däuren Abaev, QŞF prezidentı Ǧalym Husainov, vise-prezident Därmen Säduaqasov, Jansaia Äbdımälık mälımdeme jasady»,– delıngen habarlamada.Federasiia Qasym-Jomart Kemelūlynyŋ Qazaqstandaǧy şahmatty damytu bastamasyn qoldaitynyn atap öttı.
«Mektep qabyrǧasyndaǧy şahmat, munisipaldy klubtar, oqytuşylardy daiarlau jūmystaryn QŞF qarjylandyra almaidy. Mūnymen arnaiy ministrlıkter ainalysady. Qazırgı uaqytta sportşylar men Federasiianyŋ basty nazary Ündıstandaǧy olimpiadaǧa daiyndaluǧa baǧyttalǧan. Bız būqaralyq aqparat qūraldarynan būl taqyrypty endı talqylamaudy jäne odan da maŋyzdy ısterge nazar audaruǧa mümkındık berudı sūraimyz»,– dep qorytyndylady QŞF.Eske sala keteiık, būǧan deiın Bibısara Asaubaeva federasiia «Prezident äkımşılıgınen aqşa sūrauǧa tanymal sportşylardy paidalanady» dep habarlaǧan bolatyn. Keiın sportşy basşylarymen bırge detektordan ötuge daiyn ekenın de aitty.
