Almaty oblysynda zańsyz sýbsıdııalanǵan 95 mln teńge memleketke qaıtarylady. Bul týraly oblystyq prokýratýranyń baspasóz qyzmeti aıtty, dep habarlaıdy «Adyrna» tilshisi.
«Oblys prokýratýrasymen Almaty oblysynyń aýyl sharýashylyǵy basqarmasynda júrgizilgen tekserý nátıjeleri boıynsha jalpy somasy 95,2 mln. teńgege aýyl sharýashylyǵy taýar óndirýshilerin zańsyz sýbsıdııalaý faktileri anyqtaldy. Sýbsıdııalaý qaǵıdalary boıynsha aýyl sharýashylyǵy taýaryn óndirýshiler ("KabanbaıAgro" AÓK "Beskól" AÓK, "KERBULAQAGRO Damýy" AÓK jáne "Bekarys-2 AÓK) sýbsıdııalanǵan usaq analyq mal (qoı) tólderiniń saqtap, azaıýyna jol bermeý talaptary oryndamaǵan»,—delingen habarlamada.
