QR Premer-Ministrı Älihan Smaiylov Astana Finance Days 2022 konferensiiasynyŋ «Energetikalyq jäne azyq-tülık ornyqtylyǧyna investisiialar. Qazaqstandyq keis» paneldık sessiiasynda söz söiledı.
Is-şaraǧa QR Prezidentı janyndaǧy Joǧary Keŋes töraǧasynyŋ reformalar jönındegı orynbasary Ser Suma Chakrabarti, AHQO basqaruşysy Qairat Kelımbetov, Energetika ministrı Bolat Aqşolaqov, Condor Petroleum Inc. kompaniiasynyŋ basqaruşy direktory Norman Storm, Çalık Holding-tıŋ Qazaqstandaǧy aimaqtyq direktory Kenan Akkirman jäne t.b. qatysty.
Älihan Smaiylov öz sözınde kömırsutekter men azyq-tülıktıŋ älemdık naryqtaǧy baǧasy tarihi eŋ joǧary deŋgeige jetkenın, būl köptegen elderde, sonyŋ ışınde Qazaqstanda da adamdardyŋ ömır süru sapasyna äser etetının atap öttı.
Täuelsızdık jyldary elımızge $390 mlrd tıkelei şeteldık investisiia tartyldy, onyŋ basym bölıgı soŋǧy 10 jylda salynǧan.
Mäselen, 2021 jyly investisiialardyŋ jalpy aǧyny $24 mlrd-ty qūrady, būl aldyŋǧy jylmen salystyrǧanda 38%-ǧa artyq. Būl rette mūnai jäne gaz salasyna salynǧan salymdar nebary 28%-dy ǧana qūrasa, 2018-2019 jyldary olardyŋ ülesı 50%-ǧa teŋ boldy.
Älihan Smaiylov öz sözınde kömırsutekter men azyq-tülıktıŋ älemdık naryqtaǧy baǧasy tarihi eŋ joǧary deŋgeige jetkenın, būl köptegen elderde, sonyŋ ışınde Qazaqstanda da adamdardyŋ ömır süru sapasyna äser etetının atap öttı.
«Osyny tüsıne otyryp, bız Qazaqstan Prezidentı Qasym-Jomart Toqaevtyŋ bastamasymen biyl qolǧa alynǧan saiasi reformalardyŋ der kezınde jürgızılıp jatqanyn baǧalai alamyz. Saiyp kelgende, būl reformalar memlekettegı tereŋ ekonomikalyq özgerısterge alyp keledı», — dedı QR Premer-Ministrı.Ükımet basşysy Qazaqstan myqty saiasi jäne ekonomikalyq bazaǧa ie bola otyryp, EAEO men Qytaidy qamtityn kölemı 1 mlrd-tan astam äleuettı tūtynuşysy bar ırı älemdık naryqtarǧa şyǧatyn «qaqpa» ekenın jäne Ortalyq Aziiadaǧy tranzittık hab bolyp sanalatynyn atap öttı.
Täuelsızdık jyldary elımızge $390 mlrd tıkelei şeteldık investisiia tartyldy, onyŋ basym bölıgı soŋǧy 10 jylda salynǧan.
Mäselen, 2021 jyly investisiialardyŋ jalpy aǧyny $24 mlrd-ty qūrady, būl aldyŋǧy jylmen salystyrǧanda 38%-ǧa artyq. Būl rette mūnai jäne gaz salasyna salynǧan salymdar nebary 28%-dy ǧana qūrasa, 2018-2019 jyldary olardyŋ ülesı 50%-ǧa teŋ boldy.
«Būl el ekonomikasyn ärtaraptandyru belsendı jürıp jatqanyn körsetedı. Şikızat tauarlary baǧasyna qatysty jahandyq betbūrysty nazarǧa ala otyryp, energetikadaǧy jäne auyl şaruaşylyǧyndaǧy mümkındıkterımızdı köbırek zerdeleuımız qajet», — dedı Älihan Smaiylov.Premer-Ministrdıŋ aituynşa, eleulı tabiǧi qorlary bar elımız älemdık tauar naryqtarynyŋ maŋyzdy jetkızuşısıne ainalady. Sonymen qatar Qazaqstan auyl şaruaşylyǧy alqaptarynyŋ audany boiynşa älemde 6-şy orynda.
«Joǧary qaita öŋdelgen önımder şyǧaruǧa investisiialar tartu üşın ekı sektordyŋ da basymdyǧy joǧary. Osyǧan bailanysty Ükımet Qazaqstanǧa keletın investorlarǧa qolaily jaǧdai jasap, keşendı qoldau körsetedı», — dep atap öttı Premer-Ministr.Qazırgı uaqytta Qazaqstanda jeŋıldetılgen investisiialyq rejim közdelgen 13 arnaiy ekonomikalyq jäne 36 industriialyq aimaq bar. Būdan basqa, jalpy aǧylşyn qūqyǧy rejimı esebınen bükıl älemnen investorlardy tartu orny bolyp sanalatyn «Astana» halyqaralyq qarjy ortalyǧy jūmys ıstep tūr.
«Ükımet şeteldık investorlardy kelısımşarttar jasasuǧa jäne jaŋa jobalardy ıske asyruǧa şaqyrady. Bız investorlardyŋ müddelerınıŋ barynşa eskerıletınıne kepıldık beremız», — dedı tüiındedı Älihan Smaiylov.
