Bügın oblys äkımı Ǧali Esqaliev töraǧalyǧymen «El bırlıgı – jaŋarǧan Qazaqstannyŋ tıregı» taqyrybynda Batys Qazaqstan oblysy Qazaqstan halqy Assambleiasynyŋ XXIV sessiiasy öttı.
Sessiia jūmysyna öŋırdegı etnomädeni bırlestıkter, oblystyq Assambleianyŋ qūrylymdylyq bölımşelerı, qoǧamdyq kelısım, aqsaqaldar jäne analar keŋesterı, memlekettık organdar, biznes ökılderı, jastar qozǧalysy men erıktıler jäne būqaralyq aqparat qūraldarynyŋ ökılderı qatysty.
Oblys äkımı özınıŋ sözınde oblystyq assambleia müşelerınıŋ nazaryn Memleket basşysy Q.K.Toqaev belgılegen basym mındetterdı oryndauǧa audardy, būl - QHAA müşelerın, oblystyq Assambleianyŋ qoǧamdyq qūrylymdaryn saiasi reformalardy ıske asyruǧa belsendı qosu, qazaqstandyq patriotizm, azamattyq teŋqūqyqtyq qaǧidattaryn, memlekettık tıldıŋ bırıktıruşı rölın, aluan türlılıktegı bırlıktı ılgerıletu jäne aqparattyq jūmysty küşeitu.Kün tärtıbı boiynşa alǧaşqy söz alǧan oblystyq «Oral öŋırı» gazetınıŋ bas redaktory, BQO QHA Jurnalister klubynyŋ müşesı B.Ǧūbaidullin Ūlytaudaǧy ūlttyq Qūryltaidyŋ qatysuşysy retınde el damuynyŋ tarihi kezeŋı, jalpyūlttyq bırlıktı nyǧaitu jönınde kelelı oilaryn ortaǧa salyp, masyldyq piǧylmen küresu, otbasylyq qūndylyqtardy därıpteu turasynda pıkırın jetkızdı. «BQO Orys mädeni ortalyǧy» qoǧamdyq bırlestıgınıŋ töraǧasy S.Bykov Elordasynda ötken Qazaqstan halqy Assambleiasynyŋ HHHI sessiiasynan alǧan äserın äŋgımelep, öŋırdegı azamattyq bırlıktı mädeniet pen öner arqyly nyǧaitu boiynşa jürgızu qajettıgın atap körsettı. BQO QHA «Ednannia» ukrain etnomädeni bırlestıgı belsendı müşesı M.Brodianoi bügıngı künde älemde jaŋa syn-qaterlerdyŋ tuyndauyna yqpal etetın geosaiasi ahualdyŋ uşyǧyp tūrǧan uaqytynda, elımızdıŋ azamattyq bıregeilıgın nyǧaityp, otanşyldyq ruhty köteruge basa män beru kerektıgın basa aitty. Onyŋ «Beibıtşılık pen tūraqtylyqsyz bolaşaǧymyz būlyŋǧyr, bızdıŋ Qazaqstannan basqa Otanymyz joq jäne bolmaidy da», - degen sözı Sessiia qatysuşylarynyŋ qyzu qoldauyna ie boldy. Sonymen qatar, jiyn barysynda oblystyq Qazaqstan halqy Assambleiasy töraǧasynyŋ orynbasary, «Vainah» şeşen-inguş etnomädeni bırlestıgınıŋ töraǧasy D.Saratov Qazaqstandaǧy etnosaralyq kelısım qaǧidatynyŋ damuy, BQO QHA Käsıpkerler qauymdastyǧynyŋ töraǧasy B.Särsenov Qazaqstan men Reseidıŋ şekaralas aumaqtaryndaǧy sauda-ekonomikalyq qatynastarynyŋ perspektivalary jönınde baiandady. Sessiia jūmysy odan ärı jinalǧandardyŋ pıkır almasuyna ūlasyp, öŋırdegı äleumettık mäseleler, jastar bastamalaryn damytu syndy ūsynystar talqylandy. Sessiia jūmysyn qorytyndylaǧan öŋır basşysy Ǧali Esqaliev oblystyq Qazaqstan halqy Assambleiasy qyzmetınıŋ oŋ dinamikasyn atap ötıp, öŋırlık QHA qyzmetın qaita formattau, Assambleia jūmysyn memleket pen qoǧam arasynda syndarly dialog qūruǧa, azamattardyŋ qūqyqtary men müddelerın qorǧauǧa baǧyttalǧan naqty ıstermen tolyqtyru arqyly jürgızudı ūsyndy.
