«Bank SentrKredit» AQ jäne «Mazmūndama» qoǧamdyq qory bırlesıp, balalarǧa arnalǧan ekı kıtapty qazaq tılıne audardy, dep habarlaidy "Adyrna" ūlttyq portaly.
Atap aitsaq, bügın «Mazmūndama» qoǧamdyq qory «Bank SentrKredit» AQ demeuşılıgımen qazaq tılıne audarǧan Şon Kovidıŋ «Jasampaz jasöspırımderdıŋ 7 daǧdysy. Ūtqyr ärı ozyq boludyŋ joldary» jäne Sabol Stefanidıŋ «Kün jüiecı qaida ornalasqan?» atty kıtaptar köpşılıkke tanystyryldy.
Joǧary sūranysqa ie bestseller tuyndylar bügınde elımızdıŋ barlyq kıtap dükenderıne satylymǧa şyqty. Oqyrmandarǧa taǧy bır jaǧymdy jaŋalyq — aldyn ala tapsyryspen atalǧan kıtaptardyŋ elektrondy nūsqasyn da aluǧa bolady.
«Bız öskeleŋ ūrpaqqa jıtı köŋıl bölemız. Älemdık deŋgeidegı tuyndylardyŋ qazaq tılıne audaryluy maŋyzdy ideologiia dep oilaimyn. Bala – erteŋgı el azamaty, al jastar – eldıŋ bolaşaǧy. Sol sebeptı kıtap oqu – bolaşaqqa salynatyn investisiia. Jalpy, bank balalarǧa arnalǧan köptegen äleumettık bastamalardy qoldap qana qoimai, derbes jobalardy da jüzege asyryp keledı. Qazırgı taŋda bız şahmat federasiiasyn, «Balany qorǧau» jobasyn mektepterge engızıp, bank bölımşelerınde Junior bank negızınde balalarǧa arnalǧan Kids room bastamasyn jüzege asyryp jatyrmyz», – dedı «Bank SentrKredit» AQ Basqarma töraǧasy Ǧalym Hūsainov.
Joǧary sūranysqa ie bestseller tuyndylar bügınde elımızdıŋ barlyq kıtap dükenderıne satylymǧa şyqty. Oqyrmandarǧa taǧy bır jaǧymdy jaŋalyq — aldyn ala tapsyryspen atalǧan kıtaptardyŋ elektrondy nūsqasyn da aluǧa bolady.
— «Mazmūndama» qoǧamdyq qory osy uaqytqa deiın düniejüzıne milliondaǧan danamen taraǧan bestsellerlerdı, älem ädebietınıŋ jauharlaryn, tanymdyq tuyndylardy, jalpy alǧanda 70-ke juyq kıtapty qazaq tılıne audardy. Bızdıŋ maqsatymyz – qazaq tılınıŋ mazmūnyn baiytu arqyly qazaq jastarynyŋ öz ana tılınde maŋyzdy aqparattardy aluyna yqpal etu. Osy maqsatty jüzege asyru jolynda bızge qoldau körsetıp, demeuşı bolǧan «Bank SentrKredit» AQ basşylyǧyna alǧys aitqymyz keledı», – deidı «Mazmūndama» qoǧamdyq qory basşysy Seiılhan Teŋız.Kıtaptardy tanystyru ıs-şarasy «Almaty Kıtap» baspa üiınde öttı. Tūsaukeserge ekı kıtaptyŋ da qazaq tılınde jaryq köruıne atsalysqan şyǧarmaşylyq top, K. Baiseiıtova atyndaǧy daryndy balalarǧa arnalǧan mektep-internattyŋ oquşylary, «İgra» akterlık mektebınıŋ şäkırtterı, Lermontov atyndaǧy ūlttyq orys teatrynyŋ akterlerı men «Jas Sahna» teatrynyŋ akterlerı qatysty. Is-şaraǧa aqparattyq qoldau körsetu üşın 60-tan asa BAQ ökılı keldı. Olardyŋ qatarynda bızdıŋ «Adyrna» ūlttyq portalynyŋ bas redaktory Arman Äubäkır de bar.
— «Bank SentrKredit»-tıŋ osyndai bastama köterıp, balalarǧa arnalǧan paidaly jobalardy jüzege asyryp jatqanyna quanyştymyz. Aldaǧy uaqytta bılım kökjiegın keŋeitemın degen ärbır oqyrman, ärbır bala osy kıtaptardy oqysa eken deimız. Bız de osy şarany aqparattyq qoldau üşın tūsaukeser räsımıne qatystyq. Biylǧy Balalar jylynda būl bızdıŋ balalarymyzǧa ülken qoldau, — deidı «Adyrna» ūlttyq portalynyŋ bas redaktory Arman Äubäkır.
«Adyrna» ūlttyq portaly.
