Bolat Nazarbaev basyp alǵan "Altyn Orda" bazarynyń daýy basylar emes

2969

Bolat Nazarbaev basyp alǵan "Altyn Orda" bazarynyń daýy basylar emes. Osy máselege baılanysty birqatar qoǵam belsendileri Nur-Sultan qalasynda arnaıy baspasóz máslıhatyn ótkizdi, dep habarlaıdy "Adyrna" ulttyq portaly. 

Memleket basshysy aqpan aıynda reıderlikke urynǵan "Altyn orda" bazaryn tártipke keltirý týraly tapsyrma berip, sáýir aıynda bazar basshylyǵy aýysqanymen saýda ornynda zań buzýshylyqtar tyıylmaı otyr.

Zańger Dáýren Ǵabdýldyń aıtýynsha, kórshi elderden kelgen toptar bazarǵa bılik júrgizip, qoldan qymbatshylyq jasalyp otyr.

 «Basshylyqtyń aýysqanynyń ózi úlken kúmán týǵyzyp otyr. Sáýir aıynan bastap Altyn Ordada baǵa tómendedi me? Biz kútkendeı ózgeris boldy ma? Joq! Bul shaǵyn saýda orny emes qoı, iri logıstıkalyq torap. Almaty, Almaty oblysyn qamtamasyz etip otyrǵan saýda orny. Bul kem degende 3 mıllıon adam. Eger ol jerdiń jumysynda aqaý bolsa, bul árqaısymyzdyń ústelimizdegi nanymyzǵa, jep otyrǵan etimizge deıin áser etedi», - dep málimdedi zańger Dáýren Ǵabdýl.

Esterińizge sala keteıik, buǵan deıin Almaty qalasynyń turǵyndary naýryz aıynda Altyn-Orda bazarynyń aldyna jınalyp, Bolat Nazarbaevtan Altyn-Orda bazaryn burynǵy ıesine qaıtarýdy talap etken bolatyn. 

"Adyrna" ulttyq portaly 

Pikirler
Redakııa tańdaýy