Bolat Nazarbaev basyp alǧan "Altyn Orda" bazarynyŋ dauy basylar emes. Osy mäselege bailanysty bırqatar qoǧam belsendılerı Nūr-Sūltan qalasynda arnaiy baspasöz mäslihatyn ötkızdı, dep habarlaidy "Adyrna" ūlttyq portaly.
Memleket basşysy aqpan aiynda reiderlıkke ūrynǧan "Altyn orda" bazaryn tärtıpke keltıru turaly tapsyrma berıp, säuır aiynda bazar basşylyǧy auysqanymen sauda ornynda zaŋ būzuşylyqtar tyiylmai otyr.
Zaŋger Däuren Ǧabduldyŋ aituynşa, körşı elderden kelgen toptar bazarǧa bilık jürgızıp, qoldan qymbatşylyq jasalyp otyr.
«Basşylyqtyŋ auysqanynyŋ özı ülken kümän tuǧyzyp otyr. Säuır aiynan bastap Altyn Ordada baǧa tömendedı me? Bız kütkendei özgerıs boldy ma? Joq! Būl şaǧyn sauda orny emes qoi, ırı logistikalyq torap. Almaty, Almaty oblysyn qamtamasyz etıp otyrǧan sauda orny. Būl kem degende 3 million adam. Eger ol jerdıŋ jūmysynda aqau bolsa, būl ärqaisymyzdyŋ üstelımızdegı nanymyzǧa, jep otyrǧan etımızge deiın äser etedı», - dep mälımdedı zaŋger Däuren Ǧabdul.Esterıŋızge sala keteiık, būǧan deiın Almaty qalasynyŋ tūrǧyndary nauryz aiynda Altyn-Orda bazarynyŋ aldyna jinalyp, Bolat Nazarbaevtan Altyn-Orda bazaryn būrynǧy iesıne qaitarudy talap etken bolatyn.
"Adyrna" ūlttyq portaly
