Almatyda múgedektigi bar jandarǵa arnalǵan «Shyraq» tegin kýrsynyń arqasynda 27 adam jumysqa ornalasty, dep habarlaıdy "Adyrna" ulttyq portaly Almaty.tv arnasyna silteme jasaı otyryp. «Shyraq» tegin kýrsynyń maqsaty – qatysýshylardy táýelsiz bolýǵa úıretý.
Qazir «Aq bastaý» shıpajaıynda 80-ge jýyq adam bilimin jetildirip jatyr. Maqsaty – qatysýshylardy ózgelerdiń kómeginsiz táýelsiz bolýǵa úıretý. Shara bıznes trenıngpen bastalyp, sońy aspazdyq saıyspen jalǵasty. Uıymdastyrýshylardyń aıtýynsha, bul joba jyl sońyna deıin jalǵasady.
«Kóbirek múgedektigi bar adamdardyń kóbisi jańaǵy úıde otyrǵan kisiler bolǵandyqtan, olardy kóbirek qoǵamǵa shyǵarý, qoǵammen aralastyrý. Kóptegen bizdiń qatysýshylarymyzdyń maqsaty paıda bolady, oqýǵa túskisi keletinderi oqýǵa túsedi, otbasy quryp jatqan qanshama bizdiń qatysýshylarymyz bar», – dedi «Shyraq» qoǵamdyq birlestiginiń jattyqtyrýshysy Aınur Syrlybaeva.
