Djakarta qalasynda Dimaş Qūdaibergennıŋ janküierlerı jinalyp, fan-klubtyŋ 5 jyldyǧyn atap öttı. Onyŋ qatarynda 10 myŋdai adam bar, dep habarlaidy «Adyrna» tılşısı «Habar 24»-ke sılteme jasap.
Būl kezdesudı İndoneziianyŋ ūlttyq kıtaphanasy men Qazaqstan elşılıgı ūiymdastyrdy. Dimaş janküierlerı onyŋ änderın oryndap, Qazaqstan mädenietımen jaqynyraq tanysuǧa mümkındık aldy. İndoneziia astanasynda Dimaş Qūdaibergennıŋ änderı şyrqaldy. Olardyŋ keibıreuı bahasa tılınde oryndaldy. Djakartada Dimaş önerınıŋ janküierlerı öz fan-klubynyŋ mereitoiyn atap öttı. "Dimaş Qazaqstannyŋ altyn dauysy" atty şara Ūlttyq kıtaphanada ūiymdastyryldy. 2017 jyldyŋ mamyr aiynda qūrylǧan fan-klub qatarynda 10 myŋǧa juyq adam bar. Keibıreuı qazaq tılın üirenıp alǧan. Janküierlerınıŋ bırı "Eŋlık-Kebek" poemasynyŋ qysqa nūsqasyn oqyp berıp, ony Mūhtar Äuezovtıŋ 125 jyldyǧyna arnady.
«Menıŋ jasym 62-de. Qazaq tılın üirengenıme alty ai boldy. Dimaştyŋ dauysyn estıgennen keiın qazaq tılıne degen süiıspenşılıgım aşyldy. Bara-bara qazaq jazuşylary men aqyndary turaly zerttei bastadym»,– deidı fan-klub müşesı Tita Srivahuni Kossatita.DID fan-klubynyŋ töraǧasy Destri Ariananyŋ aituynşa, bastapqy kezde nebärı 5-10 adam jinalǧan.
«Äleumettık jelılerde belsendı nauqan ötkızıp, kafelerde kezdesıp jürdık. Bırtındep qatysuşylar sany 10 myŋnan asty. Dimaş Qūdaibergenge süiıspeşılıgımızdıŋ arqasynda qazaq mädenietımen jaqynyraq tanystyq»,– dedı ol.
