Aqsu audanynda jaŋa investisiialyq jobalar jüzege asyp jatyr

Aqsu audanynda ırımşık şyǧaratyn zauyt, ony şikızatpen qamtamasyz etetın tauarly süt fermalary salyna bastady. Qyzylaǧaş auylynda «Agroholding Aqsu» JŞS şamamen 5 mlrd. teŋge investisiia qūiyp, osy jobalardy qolǧa aluda. Ötken jyldan berı 1300 basqa arnalǧan tauarly süt fermasyn saluǧa kırısıp, fermaǧa Daniiadan 600-den astam bas ırı qara äkelgen. Alda taǧy ekınşı fermanyŋ qūrylysyn bastauǧa niettı. Jergılıktı jūmysşylarǧa arnap 80 tūrǧyn üi salu mejelengen. Keşe Aqsu audanyna barǧan saparynda oblys äkımı Beibıt İsabaev osyndai bastamalardyŋ, su şaruaşylyǧy, qūrylys salalaryndaǧy basqa da nysandardyŋ jaiymen tanysyp qaitty, - dep habarlaidy "Adyrna" ūlttyq portaly Jetısu oblysy äkımınıŋ baspasöz qyzmetıne sılteme jasap. Qyzylaǧaş auylyndaǧy «Agroholding Aqsu» JŞS-nyŋ süt fermasy men ırımşık şyǧaratyn zauyt salu, tūrǧyndar üşın 80 üi salu bastamalaryn Beibıt İsabaev qoldaitynyn aitty. Tūrǧyn üige qajettı injenerlık-infraqūrylym tartyluyna kömek körsetudı audan äkımdıgıne tapsyrdy. Eŋ bastysy jergılıktı azamattardy jūmyspen qamtuǧa köp köŋıl bölu kerektıgın eske saldy. [caption id="attachment_119806" align="alignnone" width="300"] www.gov.kz[/caption] Aqsu öŋırındegı taǧy bır jaqsy joba – «Aqsu GES» JŞS-nyŋ forel şaruaşylyǧy. Serıktestıktıŋ balyq şaruaşylyǧymen ainalysudy byltyr bastaǧan. Joba boiynşa mūnda 170 tonna tauarly balyq öndırıletın bolady. Käsıpker ıske 515 mln. teŋge jeke qarajatyn salǧan. Qazırgı kezde inkubasiialyq sehtyŋ qūrylysy bıtken, oǧan ekı inkubasiialyq apparat satyp alynypty. Elektr jelısı tarylǧan. Käsıporyn qazır toŋazytqyş qūrylǧylaryn Panfilov audanynda ornatqan, tauar sol jerden alǧaşqy öŋdeuden ötkızılıp, eksportqa jöneltıletın bolady. [caption id="attachment_119807" align="alignnone" width="300"] www.gov.kz[/caption] Ūzaq jyl toqtap tūrǧan tūrǧan Aqsu qant zauyty ıske qosylǧannan keiın onyŋ jobalyq quaty 450 myŋ tonna qant qyzylşasyn öŋdeuge jetken. Jüktemenı qamtuǧa şikızat jetıspeuşılıgı tuyndaǧandyqtan zauyt qamys qantyn öŋdeitın jelısın ıske qosu jūmystaryna kırısken. Būl rette B. İsabaev, qant qyzylşasynyŋ alqaby bırte-bırte ūlǧaitylatynyn aitty:

- Eŋ aldymen suarmaly sudyŋ mäselesın şeşuımız kerek. Qazır suaru kanaldaryn qaita jaŋǧyrtyp, qalpyna keltırıp jatyrmyz. Qant qyzylşasyn da, qant qamysyn da qatar öŋdeimız. Köksu qant zauyty sonyŋ arqasynda jyl boiy üzdıksız jūmys ıstep tūr. Osyndai jüiege Aqsu zauyty da köşuı kerek. Öz kezegınde zauyt ırgelı käsıporyn retınde qant qyzylşasynyŋ sapasyn köteru ısıne belsene atsalysuy tiıs. Memleket qajettı köm jasap otyr, soǧan laiyq sızder tarapynan da bastamalar boluy kerek, qyzylşa ösıruşı şaruaşylyqtarmen bırıgıp jūmys ıstep, olarǧa järdem jasap otyrsaŋyzdar, ekı tarapqa da tiımdı bolar edı. Qazır alqaptardaǧy jūmystyŋ basym bölıgı qol küşımen atqarylady, ol – auyr eŋbek, sondyqtan ony mehanikalandyruǧa nazar audaru kerek, - dedı oblys äkımı. [caption id="attachment_119808" align="alignnone" width="300"] www.gov.kz[/caption]

Audandaǧy suarmaly su jetıspeuşılıgın şeşuge Qyzylaǧaş su qoimasynyŋ qalpyna keltırılgenı ülken äserın tigızbek. Su qoimasynyŋ tolyq syiymdylyǧy – 42 mln. m3. Mūnda qazır nysannyŋ qauıpsızdıgı men şydamdylyǧyn tekseru prosesterı jürıp jatyr. Plotina 7 myŋǧa juyq gektar jerdı suarmaly sumen qamtuǧa kezeŋ-kezeŋımen kırısetın bolady. Audanda irrigasiialyq jüielerdıŋ qūrylysy men qaita jaŋǧyrtu jūmystary qatar jürıp jatyr. Būl 12 myŋǧa juyq gektar suarmaly jerdı ainalymǧa qosuǧa mümkındık beredı. Qazırgı kezde 15 şaqyrym jelı tartylǧan, taǧy 60 şaqyrymǧa jürgızıledı. Jalpy Aqsu, Sarqan, Alaköl audandaryndaǧy irrigasiialyq jelıler men su qoimalaryn qalpyna keltırudıŋ arqasynda ainalymǧa 25 myŋ gektardan astam suarmaly jer qosylady dep kütılude. Sapar barysynda Beibıt İsabaev bırqatar äleumettık nysandardyŋ qūrylys jūmystarynyŋ barysyn qarady. Saǧabüien auylyndaǧy Toqtarov atyndaǧy orta mekteptıŋ kürdelı jöndeuı kestege säikes qazannyŋ soŋyna deiın aiaqtaluy tiıs. Oquşylar ekınşı toqsandy tuǧan auylynyŋ jaŋarǧan mektebınde oqityn bolady. Saǧaküres auylynda şaǧyn ortalyǧy bar 120 oryndy jaŋa mektep salynyp jatyr.