Shildeniń birinshi jeksenbisi – Ulttyq dombyra kúni. «Alataý» dástúrli óner teatry ulttyq aspabymyzdy ulyqtaý maqsatynda «Án dombyra» atty ádebı-sazdy kesh ótkizdi. Teatrdyń dırektory – Rınat Zaıtov, kórkemdik jetekshisi – Juldyzbek Jumanbaı, rejısseri – Nurjan Týtov.
Túrkitanýshy ǵalym Qarjaýbaı Sartqojauly óziniń «Erte orta ǵasyrdan jetken mádenı mura túrki tarıhynyń kóneden tamyr tartatyndyǵyna naqty dálel bola alady» atty maqalasynda sensaııalyq oqıǵa boıynsha «Túrki babalar V ǵasyrda qolyna ustap, kúı tolǵaǵan abyz dombyra Altaı taýynyń bir syrly úńgirinen tabyldy. Qazaq saz aspabynyń biregeıi qudiretti qara dombyra bizdiń zamanymyzdyń V ǵasyrynda jasalǵan tóltýma beınesimen, mine, bizdiń qolymyzǵa túsip otyr», – deıdi. Kúıshi-zertteýshi Murat Ábýǵazynyń «Dombyra aspabynyń shyǵý tegi jaıynda» atty jazbasynda «Ejelgi túrik dáýirinde dombyra aspaby keńinen qoldanysqa ıe bolǵandyǵyn osy kezeńniń jádigerleri sanalatyn eskertkishter balbal tastarǵa, qylysh-qanjar syndy qarý-jaraqtardyń sabyna qashalyp salynǵan dombyra aspabyn ustap turǵan adam beınelerinen kórýge bolady», – dep kórsetilgen. Dombyranyń túp-tamyry ǵasyrlar qoınaýynan bastaý alatynyn osydan-aq ańǵarýǵa bolady.
Dombyra – qazaqtyń qundy baılyǵy, ulttyq ımıdjdi qalyptastyrýshy qural. Dombyra jasaı bersin, qazaq eli!
Qýanysh Jumabekuly
«Alataý» dástúrli óner teatry
Ádebıet bóliminiń meńgerýshisi
