Belgılı änşı Roza Rymbaeva soŋǧy bes jylda ükımettık konsertterge şaqyrylmai jürgenın mälım etken edı. Mädeniet jäne sport ministrlıgı "Qazaqkonsert" memlekettık ūiymynyŋ ştattaǧy änşısınıŋ osy sözıne qatysty tüsınıkteme berdı, dep habarlaidy Sputnik Qazaqstan.
"Keŋestık jäne qazaq estrada änşısı, professor, aktrisa, Qazaqstannyŋ halyq ärtısı, halyqaralyq konkurstardyŋ laureaty, qūrmet jäne parasat ordenderı men marapattyŋ iegerı Roza Quanyşqyzy Rymbaeva mädeniet jäne sport ministrlıgınıŋ qoldauymen jäne ūiymdastyruymen ötken ıs-şaralarǧa jiı qatysyp, öz önerımen halyqtyŋ qoşemetıne bölenıp jür dep tolyqtai aituǧa negız bar. Memlekettık ıs-şaralarda, atap aitqanda, "Evraziia" odaǧynyŋ aşyluyna orai ötken gala-konsertte Reseidıŋ halyq ärtısı İosif Kobzonmen bırıgıp duet oryndady jäne QR Täuelsızdıgınıŋ 25 jyldyǧyna orai ūiymdastyrylǧan konsertte Qazaqstannyŋ halyq ärtısı Älıbek Dınışev, QR Eŋbek sıŋırgen qairatkerı Bekbolat Tıleuhanmen bırge bırıgıp sahnada öner körsettı", — deidı ministrlıktıŋ baspasöz qyzmetı.
Sonymen qatar, Roza Rymbaeva "Qazaqkonsert" memlekettık ūiymynyŋ atynan 2018 jyldyŋ basynan gastroldık saparlarmen oblystardy aralaǧan.
Būdan bölek, ministrlık halyq ärtısınıŋ Astananyŋ 20 jyldyq mereitoiyna orai Mädeniet jäne sport ministrlıgınıŋ ūiymdastyruymen 15-16 mausym aralyǧynda ötken "Voice of Astana" halyqaralyq konkursy aiasynda Batyrhan Şükenovtı eske alu keşınde öner körsetkenın de eske salypty.
Al aldaǧy uaqytta Rymbaeva Konstitusiia künıne jäne Täuelsızdıktıŋ 26 jyldyq mereitoiyna orai ūiymdastyrylatyn gala-konsertke qatysady dep josparlanǧan eken.
"Mädeniet jäne sport ministrı Arystanbek Mūhamediūly Roza Rymbaevanyŋ önerıne erekşe qarap, repertuaryndaǧy köptegen änderın süiıp tyŋdaidy. Sonymen bırge, aldaǧy uaqytta da kielı qazaq sahnasynyŋ törınde Roza Quanyşqyzynyŋ önerın tamaşalyǧysy keletının jäne qazaqtyŋ önerın älemge tanytqan änşıge tek qana şyǧarmaşylyq şabyt pen tabystar tıleitının jetkızdı", — dep atap öttı baspasöz qyzmetı.
Aita keteiık, bügın Astanada ötken baspasöz mäslihatynda Roza Rymbaeva Astananyŋ 20 jyldyǧy mereitoiyna arnalǧan konserttık baǧdarlamalardan nege körınbei jürgenın tüsındırgen bolatyn.
"Keiıngı bes jylda men mädeniet ministrlıgınıŋ, prezidenttık apparattyŋ bırde-bır konsertınde joqpyn. Menı şaqyrady, keiın qoŋyrau soǧyp, sızdı baǧdarlamadan alyp tastadyq dep aitady. Osy joly da tura solai boldy. "A+" kompaniiasy Naǧima Esqalieva ekeumızdı äuelı baǧdarlamaǧa qosyp, ertesıne habarlasyp, alyp tastadyq dedı. Ne üşın, ne sebepten ekenın aitpaidy", — deidı änşı.
Rymbaeva merekelık baǧdarlamalarǧa nege şaqyrylmai jürgenın ūiymdastyruşylardyŋ özınen sūraudy ūsynǧan edı.
