Pavlodar oblysynda jeke üidıŋ aulasynan ekı adamnyŋ mäiıtı tabyldy. Qaiǧyly oqiǧa Tereŋköl audanynyŋ Beregovoe auylynda oryn aldy, dep jazady "Adyrna" ūlttyq portaly.
Oblystyq polisiia departamentınıŋ mälımdeuınşe, oqiǧa ornynda qajettı tergeu amaldary jürgızılıp, adam öltırdı degen küdıkpen 22 jastaǧy auyl tūrǧynynyŋ ūstalǧan.
"3 şılde künı saǧat 02:10-da Tereŋköl audany, Beregovoe auylynda jeke tūrǧyn üidıŋ aulasynan pyşaq jaraqaty türınde zorlyq-zombylyq belgılerı bar 46 jastaǧy üi iesı men onyŋ 48 jastaǧy bırge tūratyn adamnyŋ mäiıtterı tabyldy. Marqūmnyŋ kämeletke tolmaǧan ūly üi-jailardyŋ bırınde panalaǧandyqtan zardap şekken joq", – delıngen habarlamada.Pavlodarnews.kz habarlauynşa, adam qolynan ajal qūşqan äieldıŋ qyzy, 16 jastaǧy Alinanyŋ aituynşa, būl qylmysty 3 şıldege qaraǧan tünı jetı aiǧa juyq jürgen būrynǧy jıgıtı jasaǧan. Boijetkennıŋ aituynşa, Beregovoe auylynda būrynǧy süiıktısı betın qaitarǧan 22 jastaǧy jıgıt qyzdyŋ anasy men ögei äkesıne pyşaqpen şabuyl jasaǧan. Ekeuı bırneşe pyşaq jaraqatynan qaitys boldy. Boijetken sol tünı Pavlodardaǧy tuystarynyŋ üiınde qonǧandyqtan tırı qalǧan.
– Şamamen bır ai būryn men onyŋ esırtkı qoldanatynyn bıldım, sondyqtan onymen qarym-qatynasty toqtatudy şeştım. Ol qarsy boldy jäne menıŋ älı būl şeşımım üşın qatty ökınetınımdı aitty, - dep eske alady Alina. - 2 şıldede men Pavlodarda boldym, kolledjge tüsu üşın qūjattar tapsyruǧa daiyndaldym. Tünde tätem maǧan qoŋyrau şalyp, şūǧyl türde oraluym kerek ekenın aitty. Üide anam men ögei äkemdı öltırıp ketkenın bıldım.Qyzdyŋ sözınşe, tuystary oǧan oqiǧanyŋ män-jaiyn aityp bergen.
Boijetken küdıktı ūstalǧanymen jazadan qūtylyp kete me dep qorqady.- Sol tünı anam, ögei äkem jäne menıŋ 13 jasar bauyrym üide boldy. Olar tüngı saǧat bırge qarai otşaşudy estıp, köşege şyqqan. Bauyrym barǧysy kelmedı jäne üide qaldy. Bıraz uaqyttan keiın anam üige jügırıp kelıp, oǧan jasyryn dep aitqan. Bauyrymdy qūtqaruǧa tyrysyp, kömek sūrap jügırgen. Ol alleiaǧa jetken kezde būrynǧy jıgıtım ony quyp jetken. Anam pyşaq jaraqatynan qaitys boldy. Būǧan deiın ol anamdy qorǧauǧa tyrysqan ögei äkemdı de öltırgen, - dedı Alina.
- Bügın onyŋ anasy kelıp, kömek retınde aqşa äkeldı. Ol jylap, ūlynyŋ auyrǧanyn aitty. Bälkım, būl esırtkınıŋ äserı boluy mümkın, bıraq būl qatygezdıkpen kısı öltırudı aqtamaidy. Anamnyŋ bükıl denesınde pyşaq jaralary bar. Bız bauyrymyzben jalǧyz qaldyq, bai tuystarymyz ben tanystarymyz joq. Erteŋ anam men ögei äkemdı öltırgen adam bostandyqqa şyǧyp, bızdı de aman qaldyrmaidy dep qorqamyn, - dedı qyz.Ol būl ıstı nazardan tys qaldyrmaudy sūraidy.
"Adyrna" ūlttyq portaly
