Oblys basşylyǧynyŋ bastamasymen medisina ǧylymdarynyŋ doktory 38 jyldyq täjıribesı bar Nūrlan Aryn Taldyqorǧan qalasyna balalarǧa kürdelı operasiialardy tegın jürgızu üşın keldı. Balalar auruhanasynda ol «ökpe jäne bauyr ehinokokkozy, kolostoma, toq ışek anastomozy»diagnozymen jatqan 7 jastan 16 jasqa deiıngı balalarǧa sättı ota jasady.
Kürdelı otalardy jasai otyryp, professor jergılıktı därıgerlermen köp jyldyq täjıribesımen bölıstı.
- Qūrmettı jerlester, jetısulyqtar. Men öz jerımde bolǧanyma öte quanyştymyn. Men mūnda bırınşı ret jäne soŋǧy ret operasiia jasauǧa kelıp tūrǧanym joq. Osy jyldyŋ Balalar jyly retınde jariialanǧanyn eskere otyryp, bız balalarǧa qaiyrymdylyq operasiialaryn jürgızudı ūiǧardyq. Bärı sättı ötedı dep senemın. Bızdıŋ balalarymyz auyrmasyn, denı sau bolsyn, - dedı Nūrlan Aryn.
Ūiymdastyruşylardyŋ mälımetınşe, «balalar jyly» aiasynda Jetısu oblysynyŋ balalaryna konsultativtık-diagnostikalyq jäne hirurgiialyq medisinalyq kömek körsetıledı.
Esterıŋızge sala keteiık, professor Nūrlan Arynov «Tuǧan elge taǧzym» aiasynda oblystyŋ medisinalyq mekemelerınde şeberlık sabaǧyn ötkızedı. Osy uaqytqa deiın Nūrlan Mūhtarūly 25 myŋnan astam operasiia jasaǧan. Onyŋ ışınde 1,5 myŋnan astamy qaiyrymdylyq operasiialary. Därıger sonymen qatar 300 ǧylymi maqala men 7 monografiianyŋ avtory.
Aita ketu kerek, balalardyŋ ota aldyndaǧy daiyndyǧy bır apta būryn bastaldy.
