6 shildede qazaqstandyqtar astanamyz – Nur-Sultan qalasy kúnin atap ótedi, dep habarlaıdy "Adyrna" saıty.
Bıyl Aqmola qalasynyń Astana ataýyn alyp, elorda bolǵanyna 24 jyl. Búginde Nur-Sultan qalasy – elimizdegi mańyzdy oqıǵalardyń ordasy. Sonymen qatar, elordada respýblıkalyq jáne halyqaralyq aıtýly is-sharalar men kezdesýler ótip turady.
Solardyń biregeıi – ár úsh jyl saıyn ótetin álemdik jáne dástúrli dinder kóshbasshylarynyń sezi, 2011 jyly ótken qysqy Azıada oıyndary, Sırııa máselesine arnalǵan «Astana proesi» jáne EKSPO-2017 halyqaralyq kórmesi.
Buǵan deıin elordamyz IýNESKO-nyń sheshimimen «Beıbitshiliktiń qalasy» ataǵyna ıe boldy.
1997 jyly 20 qazanda astanany aýystyrý týraly Jarlyqqa qol qoıyldy.
1998 jyly 6 mamyrda Aqmola qalasynyń ataýy Astana bolyp ózgerdi.
1998 jyly 10 maýsymda elordamyz – Astana qalasynyń halyqaralyq tusaýkeser rásimi ótti. 2008 jyly 6 shilde «Astana kúni» memlekettik mereke retinde tizimge endi.
2019 jyly 23 naýryzda Astana qalasynyń ataýy Nur-Sultan bolyp ózgerdi. «Astana kúni» jyl saıyn memlekettik deńgeıde keńinen atalyp ótedi. Bıyl da elorda ákimdigi qala kúnine oraı birqatar is-shara uıymdastyrdy.
Atap aıtsaq, 4-6 shilde kúnderi saǵat 12:00-den keshki 22:00-ge deıin ortalyq saıabaqta «Mereke Street» festıvali ótedi. Shara barysynda qala turǵyndary men qonaqtarynyń «Barys», «Astana» fýtbol klýby jáne «Astana» basketbolshylar komandasynyń tanymal sportshylarymen sýretke túsip, avtograf alý múmkindigi bar.
Sondaı-aq, óner juldyzdarynyń qatysýymen konerttik baǵdarlama qarastyrylǵan. Mereke kúni Esil jaǵalaýynda «Creative Summer» jobasy uıymdastyrylady. Atalǵan sharada shyǵarmashylyq ujymdar, vokalıster men anımatorlar óner kórsetedi.
6 shilde kúni elordadaǵy «Qazanat» ıppodromynda «Elorda báıgesi» respýblıkalyq at jarysy ótedi. Qala kúnine oraı uıymdastyrylǵan jarysqa elimizdiń barlyq óńirinen 150-den astam sportshy qatysady. Aıta ketsek, bıyl qala kúnine oraı merekelik otshashý bolmaıdy. Ol týraly elorda ákimdigi habarlady.
