Soltüstık Qazaqstan oblysynyŋ tūrǧynyna WhatsApp jelısındegı dıni statusy üşın aiyppūl salyndy, dep habarlaidy “Adyrna” ūlttyq portaly.
"Soltüstık Qazaqstan oblysy Ǧabit Müsırepov audanynyŋ 39 jastaǧy tūrǧyny WhatsApp messendjerı statusynda bır ai boiy dıni mazmūndaǧy materialdary bar suretterdı jariialaǧan. Mūndai äreketter qūqyq būzuşylyq bolyp tabylady. Auyl tūrǧynyna qatysty äkımşılık material jinaldy", - dep habarlady polisiiadan.Ǧ.Müsırepov atyndaǧy audan sotynyŋ qaulysymen auyl tūrǧyny Qazaqstan Respublikasy ÄQBtK-nıŋ 490-babynyŋ 1-bölıgı, 3-tarmaǧynda közdelgen qūqyq būzuşylyqty jasaǧany üşın kınälı dep tanyldy. Oǧan 35 ailyq eseptık körsetkış (107 myŋ 205 teŋge) kölemınde aiyppūl salyndy.
"Dıni ädebiettı, dıni mazmūndaǧy özge de aqparattyq materialdardy, dıni zattardy tek ǧibadat oryndarynda, dıni bılım beru ūiymdarynda, sondai-aq jergılıktı atqaruşy organdar arnaiy belgılegen stasionarlyq üi-jailarda taratuǧa rūqsat etıledı. Petropavlda osyndai 15 arnaiy oryn bar", - dedı Soltüstık Qazaqstan oblysy boiynşa PD ekstremizmge qarsy küres basqarmasynyŋ bastyǧy, polisiia polkovnigı Ruslan Jarasbaev.
“Adyrna” ūlttyq portaly
