Elorda maŋynda ötken äskeri jattyǧu kezınde sarbaz oq tiıp qaitys boldy. Oqys oqiǧa keşe, 8 şıldede Kışı Mailan dep atalatyn oqu-jattyǧu alaŋynda bolǧan, - dep habarlaidy “Adyrna” ūlttyq portaly KTK telearnasyna sılteme jasap.
"Aibyn" prezidenttık polkınıŋ kelısımşartpen jürgen kışı serjantyn serıktesı baiqausyzda jazym qylypty. Äzırge äskeriler aityp otyrǧan resmi nūsqa osy. Bıraq 21 jastaǧy Darhan Mälıktıŋ jaqyndary būǧan sengen joq. Sebebı taŋnan berı syltau san özgerdı deidı zar ilegen bauyrlary.
Kışı serjant Darhan Mälık keşke tüngı kezekşılıkke ketken. Al kelesı künı taŋda 21 jastaǧy jıgıttıŋ tapanşadan atylyp qalǧany turaly suyq habar jettı.
"Äkesımen söileskende aitty "maǧan qoŋyrau şalyp, oq tiıp özıne özı atylyp kettı" deidı. Ashanada otyrǧanda özınen özı atylyp kettı. Endı tuysymyzdyŋ üiıne qyzmetınen adamdar kelıp jatyr degesın, bız aittyq, "ketpesın, tıldeseiık, söileseiık, bızge ne aitady eken" dep. Sol kezde aitty, ashanada ekı jıgıt otyrady, nariadty tapsyryp. Ashanada otyrǧan uaqytta Darhan myltyǧynda oq bolmaidy. Oinap otyrǧan. Al qarsylasynda oq bolady, ol baiqamai qalady. Atqan uaqytta bırden basyna tiedı", - deidı marqūmnyŋ tuysy Aizada Seidahmetova.
Oqiǧa astanadan 60 şaqyrym jerdegı poligonda bolǧan. Kışı Mailan dep atalatyn poligonda äskeriler oqu-jattyǧu jiynyn ötkızıp jatyr eken. Kelısımşartpen qyzmet etetın Darhan Mälık sonda küzette boldy. Suyt kelgen habarǧa sene almaǧan tuystary şydai almai taŋerteŋnen äskeri bölımge jettı. Olar ajaldyŋ serıgınen kelgenıne kümän keltırıp otyr. Öitkenı komandirlerdıŋ jauaby taŋnan berı san özgerdı deidı äkesı.
"Maǧan aitqan aqparaty ärtürlı bolyp tūr. Taŋerteŋ özınıŋ avtomaty atylyp kettı dedı. Endı bır saǧat ötkennen keiın joldas jıgıttıŋ tapanşasy atylyp qaldy dedı. Endı süiektı alyp kele jatqan ofiserler qoqys töguge şyqqan, sol jerde ekeuı bır-bırımen oinaǧan, sonda atylyp qaldy deidı. Är türlı aqparat", - deidı marqūmnyŋ äkesı.
Dese de, äzırge resmi nūsqa osy. Airyqşa maqsattaǧy memlekettık küzet küşterı qolbasyşysynyŋ orynbasary jazataiym oqiǧa dep sendırıp tūr. Poligonda bolmaǧannan keiın polkovnik myrza özı de män-jaidy aşyq bılmeidı. Bıraq marqūmnyŋ tuystaryna habar aityp, barlyq aiqaidy estıp jürgen osy kısı.
"Äskeri tergeu bastaldy. Olar serıgı ekeuı qarapaiym qauıpsızdık erejesın būzǧan. Kezekşılık kezınde tapanşany jäidan jäi syrtynan alyp şyǧuǧa da bolmaidy. Ol özınıŋ syrtynda tūru kerek. Ony nege suyryp alyp şyqty, men bılmeimın. Äskeri qylmystyq bölımı osy sūraqtardy anyqtaidy", - deidı QR Memlekettık küzet qyzmetı airyqşa maqsattaǧy küşter qolbasşysynyŋ orynbasary.
Darhandy jazataiym atyp aldym degen serıgı bırden tergeuge alynǧany habarlandy. Ol marqūmmen bırge äskeri sapqa kelgen, artyq mınezı baiqalmaǧan bala deidı jauaptylar. Ekeuı dos ta bolǧan. Qazır serjanttyŋ denesı mäiıthanada. Tekserısten keiın tuǧan jerı Arqalyqqa süiegı jetkızıledı. Tüngı kezegınıŋ bıtuıne jarty täulık qalǧanda ömırımen qoştasqan serjanttyŋ artynda 20 jastaǧy äielı, tört bauyry men ata-anasy qaldy.
”Adyrna” ūlttyq portaly
Basqalarmen bölıse
otyryŋyz
