Qańtar oqıǵasy kezinde "Dıkıı Armandy" Almatyǵa bılik organdarynyń arnaıy ushaǵymen aldyrtqan. Bul týraly belgili advokat Abzal Quspan "Suraýy bar" YouTube arnasyna bergen suhbatynda aıtty, dep jazady "Adyrna" ulttyq portaly.
"Ol ózdiginen ushyp kele almaıdy. Bılik organdarynyń, belgili bir quqyq organdarynyń arnaıy ushaǵymen aldyryldy degen áńgime bar. Áıtpese, ádettegi ushaqqa bılet satyp alyp, Almatyǵa ushyp kele almaıdy. Óıtkeni, ol izdeýde ǵoı. Shekara beketterinde, kedet beketterinde oǵan "qyzyl jalaýsha" turdy ǵoı. Ol qujatyn kórsetken boıda ol dereý qamaýǵa alynýy kerek. Áleýmettik jelisi arqyly onyń Túrkııada turǵanyn bárimiz bilemiz. Qańtar oqıǵasynda eldiń ortasynda júr. Qolyna qarý ustap alǵan. Aınalasynda qarýly azamattar kileń. Sodan-aq, túsinikti ǵoı. "Dıkıı Armannyń" jigitteri tek Almatyda bolǵan joq. Barlyq óńirde júrdi. Qylmysta uıymdastyrýshy degen bolady. Oryndaýshy degen bolady. "Dıkıı Armannyń" róli oryndaýshylyq qana. Naqty bolyp jatqan proessterge aralasý, belgili bir tapsyrmalardy oryndaý ǵana. Negizi mindetteri arandatý", — dedi Abzal Quspan.
"Adyrna" ulttyq portaly
