Tarazda ŪQK ortalyq apparatynyŋ qyzmetkerlerı Mäjılıstıŋ eks-spikerı Nūrlan Nyǧmatulinnıŋ ūly Nūrhan Nūrlanovty ūstady. Būl turaly Orda.kz habarlady, dep jazady "Adyrna" ūlttyq portaly.
Eks-spikerdıŋ ūlynyŋ ūstaluy turaly män-jai anyqtalyp jatyr.
Aita keteiık, Nūrhan Nūrlanov «Qazfosfat» JŞS basşysy.
P.S. «Qazfosfat» zauytynyŋ direktory Nūrhan Nūrlanov Orda.kz redaksiiasyna habarlasyp, Tarazdaǧy üiınde ekenın, keŋsesınde tıntu jürgızılmegenın, qamauǧa alynbaǧanyn aitty. Tötenşe jaǧdailar departamentı men qala, oblys äkımdıkterınıŋ ökılderımen bırge zauyttaǧy şūǧyl jinalysta orynbasarlary bolǧanyn, özınıŋ «nūsqau berıp» zauyttan şyǧyp ketkenın aitty. Nūrlanov jäne «Kaz Chemicals» basqarma töraǧasynyŋ orynbasary İgor Zavialov käsıporyndaǧy şyǧaryndylardyŋ sebebı turaly tüsınık beruden bas tartty. «Būl mäselemen komissiia ainalysady. Tötenşe jaǧdaidyŋ sebepterı anyqtalǧannan keiın resmi baspasöz mälımdemesı jariialanady» dep jauap berdı.Eske salsaq, Tarazdaǧy «Qazfosfat» zauytynda apat bolǧan. Būl turaly oblys äkımdıgınde habarlandy. Olar auada «ftoridtı qosylystardyŋ azdap artqanyn» atap öttı.
«11 şıldede, saǧat 20:30-da Taraz qalasyndaǧy «Qazfosfat mineraldy tyŋaitqyştar» JŞS zauytynda apat boldy. Ekologiia departamentı qala prokuraturasymen bırge SQA şekarasynda ziiandy zattardy ölşeuge şyqty. Ftorly sutektıŋ artuy 2-3 ese, ammiaktyŋ, kükırtsutektıŋ, SO2-nıŋ artuy anyqtalǧan joq. Osydan keiın top Şaiqūryqqa qala şekarasyna qarai bet aldy, öitkenı jel sol baǧytta jürdı. Şaiqūryqta barlyq körsetkışter boiynşa normadan asu anyqtalǧan joq. Būl jaǧdai toptyŋ baqylauynda, nätijelerı turaly qosymşa habarlanatyn bolady» delıngen habarlamada.
"Adyrna" ūlttyq portaly
