Memleket basşysy Qasym-Jomart Toqaev Ükımet otyrysynda öŋırlık daǧdarystyŋ ūzaqqa sozylyp bara jatqanyn atap öttı, dep habarlaidy «Adyrna» tılşısı.
«Halyqaralyq instituttar älemdık ekonomika qarqyny bäseŋdeidı degen boljam aituda. Soǧan säikes infliasiia jappai ösuı mümkın. Öŋırlık daǧdarystyŋ ūzaqqa sozylyp bara jatqanyn baiqap otyrmyz. Tıptı, būl ahual jahandyq toqyrauǧa ūşyratady degen qauıp bar. Osyndai jaǧdaida Ükımettıŋ jäne Ūlttyq Banktıŋ negızgı mındetı – infliasiiany tūraqtandyryp, azamattardyŋ tabysyn arttyru boluǧa tiıs. Sondai-aq, jaŋa jūmys oryndaryn aşu qajet»,– dedı ol.Prezident eŋ aldymen infliasiiany tūraqtandyru kerektıgın aityp, Ükımet jūmysyn synǧa aldy.
«Qazır infliasiianyŋ şaryqtap ketuı eŋ kürdelı mäsele bolyp otyr. Baǧanyŋ ösuıne azyq-tülık infliasiiasy äser ettı. Onyŋ deŋgeiı 19,2 paiyzǧa jettı. Jalpy, azyq-tülıktıŋ keibır türı bırden 80 paiyzǧa qymbattady. Ükımettıŋ baǧany tūraqtandyruǧa baǧyttalǧan şaralary tiımsız bolyp şyqty. Ükımet infliasiiany eskı ädıs-täsılmen toqtatqysy keledı. Onyŋ özınde biudjetten qosymşa qarajat bölıp, baǧany jasandy türde ǧana rettep otyr. Iаǧni, qymbatşylyqtyŋ sebebımen emes, saldarymen küres jürıp jatyr. Al, şyn mänınde, kerısınşe boluy kerek. Ükımet bar jauapkerşılıktı öŋırlerge artyp qoidy. Olar äkımşılık resursty paidalanyp, dükenderdı aralap jür, basqa täsılder jäne jaŋa ideialar joq. Mūndai jūmys eşqaşan tiımdı bolǧan emes. Bır sözben aitqanda, naryq zaŋdylyǧyna sai keletın jaŋa ūstanym joq»,– dep tüiındedı Toqaev.
