Būrynǧy deputat ärı kezınde Nūrsūltan Nazarbaevtyŋ keŋesşısı qyzmetın atqarǧan Serık Äbdırahmanov tūŋǧyş prezidentke būryn talai eskertu jasaǧany turaly aitty, dep habarlaidy “Adyrna” ūlttyq portaly Stan.kz saityna sılteme jasap.
“Nazarbaevtyŋ jaqsylyǧynan qiianaty asyp ketedı. 1993 jyly parlamentte mynadai sözdı ūran etıp tastadym: “Qazaqstannyŋ bai jerınde halyqty jüdetu qylmys!”. Bız Katar, Kuveit elderınen bai memleketpız. Jer bailaǧymyzǧa eşkım talasa almaidy. Bız Emirattardan artyq tūruymyz kerek edı. Osynyŋ barlyǧyn Nazarbaev ūrlady ǧoi”, - deidı būrynǧy şeneunık.Prezident bolu ülken jauapkerşılık ekenın eske salǧan Äbdırahmanov, özınıŋ Nazarbaevtyŋ keŋesşısı bolyp jürgen uaqytta onymen jeke kezdesıp, qyzdary turaly aitqanyn jetkızdı.
“Ol özı menı şaqyratyn. “Serık, aitşy, halyq ne deidı?” – dep. Men aldyn ala “renjımeisız be?” dep sūrap alatynmyn. Sosyn qyzdary turaly aitqanmyn. Bır bedeldı janynda jürgen bıreu qyzdaryna “Taugül” möltek audanynan ekı kottedj syilapty dep. Bıraq ol “Joq, Serık, men ondaiǧa jıbermeimın” dedı. Keiın bıraq estıdım, sol ekı kottedj satylyp, qyzdary alǧan eken. Tura sol otyrysta taǧy bır jaitty aittym. Sol künge jospar qūryp barǧan jazularym älı künge deiın bar. “Nūreke, altynşy qabatpen diplomattar jasyl qaǧazben tasyp jür degen el arasynda söz tarap jatyr” dedım. Ol kezde de “Joq, men ondaiǧa barmaimyn” degen. Būl 1994 jyl edı”, - dep qosty saiasatker.Äbdırahmanov Nazarbaevqa kezınde talai eskertu jasaǧanyn aita kele, tūŋǧyş prezidenttı kınälauǧa özınıŋ qūqy bar ekenın aitady.
“Ol menıŋ adaldyǧymdy kördı. Sol sebeptı men 2007 jyly deputattyqtan ketkenge deiın talai närsenı aityp otyrdym. Qūdalary turaly, Rahat, Timur Qūlybaev pa, bärı turaly. Janynda jürgen adamdardyŋ tek ūrlyqpen jürgenın de aittym. Kärımnıŋ [Kärım Mäsımov – red.] ornyna menı Qauıpsızdık komitetınıŋ töraǧasy etıp qoiyŋyz, generaldaryŋyzdy şynjyrlap tūryp aldyŋyzǧa alyp kelemın dedım de. Ündemedı. “Jaǧdai qiyn bolady. Bır jaǧdai bolyp qalsa, janyŋyzdan tabylatyn adam bolmaidy” dep Nazarbaevqa talai aittym, talai jazdym. Qūlaq aspady. Sondyqtan arym taza”, - deidı ol.
“Adyrna” ūlttyq portaly
