İtaliiada Denis Tenge arnalǧan konsert Ükılı Ybyraidyŋ änımen bastaldy

İtaliiada Denis Tennıŋ ruhyna arnalǧan konsert öttı «Akademiia solisterı» memlekettık kameralyq orkestrı İtaliianyŋ Bergolo qalasynda ötken konsertın qaza bolǧan Olimpiada jüldegerı Denis Tenge arnady.  Būl turaly QazAqparat habarlaidy dep ktk.kz saity jariia ettı. «Qazaqkonsert» memlekettık ūiymynyŋ «Solister akademiiasy» kameralyq orkestrınıŋ konsertı QR Mädeniet jäne sport ministrlıgınıŋ qoldauymen «Velia» muzykalyq festivalı aiasynda öttı. Keş 1 minut ünsızdıkpen bastalyp, Qazaqstannyŋ xalyq ärtısı, «Solister akademiiasynyŋ» körkemdık jetekşısı Aiman Mūsaqojaeva Denis Tennyŋ qazasyna bailanysty qazaqstandyqtar men onyŋ tuǧan-tuystaryna köŋıl aitty. «Jūldyzdai jarq etken Denis Tennıŋ mezgılsız dünieden ötuı barlyǧymyzǧa auyr tidı. Būl jaǧdai barşa Qazaq elı üşın auyr qaiǧy. Sondyqtan bız festival aiasyndaǧy alǧaşqy konserttı Denis Tennıŋ qūrmetıne arnadyq. Jas ärı talantty, Qazaqstan men älemnıŋ süiıspenşılıgıne bölenıp ülgergen Denis elımızdegı sporttyŋ damuyna zor üles qosty. Onyŋ esımı, jetıstıkterı men eren eŋbegı jüregımızde mäŋgı saqtalmaq. Onyŋ jalyny sondai alaulap jandy da, sondai erte söndı. Jarqyn tūlǧa Denis Ten - elımızdıŋ jaryq jūldyzy. Konsertke kelgen italiialyq öner süier qauymǧa bız Denis turaly äŋgımelep, konserttı sonyŋ qūrmetıne arnadyq», - deidı A.Mūsaqojaeva. Aiman Mūsaqojaeva sportşynyŋ ruhyna arnap Bramstyŋ, Sen-Sansenıŋ, Vaksmannyŋ, Sarasatenıŋ belgılı kompozisiialaryn oryndady. Sonymen qatar, konserttıŋ şymyldyǧyn Ükılı Ybyraidyŋ «Qyzyl asyq» änımen aşqan dästürlı änşı Asqar Mūqiiat pen otandyq opera änşısı Azat Mälık Abaidyŋ «Közımnıŋ qarasy» änın oryndap, europalyqtardyŋ joǧary baǧasyn aldy. Ekı saǧatqa sozylǧan konsert talǧampaz körermennıŋ qoşemetıne bölendı.