Kárim Másimov pen onyń orynbasary Ánýar Sadyqulovty qamaý merzimi 6 tamyzǵa deıin uzartyldy. Bul týraly QR Ulttyq qaýipsizdik komıteti habarlady.
Kúdiktilerdi qamaýda ustaý merzimi 7 aıǵa deıin uzartyldy. Ulttyq qaýipsizdik komıteti burynǵy tóraǵasy K. Másimov pen UQK tóraǵasynyń burynǵy orynbasary Á. Sadyqulovty qamaýda ustaý merzimi 2022 jyldyń 6 tamyzyna deıin, sondaı-aq burynǵy orynbasary Dáýlet Erǵojındi qamaýda ustaý 8 mamyrǵa deıin uzartyldy.
UQK tergeý toby Másimovti jáne basqa da tulǵalardy QR Qylmystyq kodeksiniń kelesi baptary boıynsha tergep jatqanyn túsindirdi:
- 175-baptyń 1-bóligi – "Memleketke opasyzdyq jasaý";
- 179-baptyń 3-bóligi – "Qazaqstan Respýblıkasynyń Konstıtýııasyn buzyp, bılikti kúshpen basyp alýǵa nemese bılikti kúshpen ustap turýǵa ne Qazaqstan Respýblıkasynyń konstıtýııalyq qurylysyn kúshtep ózgertýge baǵyttalǵan áreketter";
- 218-baptyń 3-bóligi – "Qylmystyq quqyq buzýshylyqtardan túsken tabystar bolyp tabylatyn múlikti konversııalaý nemese aýdarý túrinde mámileler jasasý arqyly qylmystyq jolmen alynǵan aqshany jáne (nemese) ózge múlikti zańdy aınalymǵa tartý ne mundaı múlikti ıelený jáne paıdalaný".
- 362-baptyń 4-bóliginiń 3-tarmaǵy – "Bılikti nemese laýazymdyq ókilettikterdi asyra paıdalaný";
- 366-baptyń 4-bóligi – "Para alý";
Esterińizge sala keteıik, 8 qańtarda UQK burynǵy tóraǵasy Kárim Másimovtiń ustalǵanyn habarlady. Oǵan qatysty qylmystyq is «óte qupııa» sanatyna jatqyzyldy.
"Adyrna" ulttyq portaly
