Köp balaly analarǧa mümkındık mol

Batys Qazaqstan oblysynda köp balaly, käsıpker äielderdıŋ sandary kün sanap ösude. Būdan oblys ekonomikasynyŋ ösuın de baiqauǧa bolady. Solardyŋ bırı retınde auylda bolsa da, demografiiamen qatar öŋırdegı şaǧyn käsıptı damytuǧa öz ülesın qosyp jürgen köpbalaly ana Boranqūlova Anargül Qalamǧaliqyzy turaly aita ketkımız keledı. Jeke käsıpker 1983 jyly 4 aqpanda Syrym audany, Şaǧyrloi auylynda düniege kelgen. 1999 jyly mektep bıtırıp, 2000 jyly tūrmys qūrǧan. Köp balaly ana. 3 ūl, 3 qyzy bar. Kümıs alqa iegerı. Mamandyǧy - aspazşy. Türlı jeke şaruaşylyqtarda qyzmet atqarǧan. Jūmyspen qamtu ortalyǧy arqyly 2019 jyly 505 myŋ teŋge qaitarymsyz grant alyp üiınen nan pısıru käsıbın aşqan. 2020 jyly karantinge bailanysty jūmyssyz qalyp, öz käsıbın aşudy oilaǧan.

«2012 jyldan bastap «Tamaşa» meiramhanasynda aspazşy bolyp jūmys jasadym. Köp täjıribe jinadym, bastyǧym bolǧan Nūrmyhanova Aidadan köp närse bıldım, ärqaşan qoldap otyrady. Bıraq, 2020 jyly karantin kezınde bız jūmyssyz qaldyq. Balalalar ösıp kele jatty, balalaryma karantin kezınde aqşa tabu qiynǧa tüse bastady. Köp balaly anamyn, maǧan anany berıŋder, mynany berıŋder dep eşkımge qol jaiǧan emespın. Memlekettıŋ bergen järdemaqysyna ǧana qarap otyrmai, eŋbek etudı eşqaşan ūmytqan emespız. Bır künı qaitarymsyz grant alyp, oqyp jatqan jastardy meiramhanadan kördım. Grant beruşıler bızdıŋ meiramhanany jalǧa alyp, künde sabaq ötetın. Jūmysta jürıp mende de qyzyǧuşylyq tudy. Men de nege oqymasqa dep jūmyspen qamtu ortalyǧyna bardym. Köp balaly ana retınde ala alatynymdy aitty. Oqydym, grantty aldym. Endı, qandai käsıp aşamyn degende, peş satyp alyp, nan pısırıp, sata bastadym. Bırınşı körşılerge, keiın äkımşılık jaqta sattym»,— deidı Anargül hanym.

Nan satu azdau bolǧan soŋ üiden ärtürlı bälışter jasap satudy qolǧa alǧan eken. Köp tapsyrysty üiden jasau qiyndyq tuǧyzǧasyn, jeke ǧimarat ızdestırıp, ortalyqtan iesız qalǧan üidı tabady. Nesie alyp, sol üidı satyp alyp, joldasymen bırge jöndep, «Bereke» ashanasyn aşyp 2 adamdy jūmyspen qamtyp otyr.

«Älı de keŋeiu üstındemız. Ashananyŋ jalpy syiymdylyǧy 24 oryndy qūraidy. Aldaǧy uaqytta käsıbdı keŋeitıp, banket zalyn jäne naubaihana aşu josparda bar.Bırtındep-bırtındep alǧa maqsat qoisa, jetuge bolatynyna közımız jettı. Keide sauda bolmaityn kezder de nemese şarşaǧan kezder bolady. Sonda da berılmeimız. Keide qosymşa qonaq şaqyrǧan üilerdıŋ dastarhanyn da daiyndap beremın. Balalarymyz üşın eŋbektenudemız. Joldasym mektepte küzetşı. Bos uaqytynda ärqaşan kömektesedı. Ekı student qyzym bar. Olar da bos uaqytynda kömektesedı. Ūldarym da ūnymdy äkelıp, qolǧabys berude. Sondyqtan, eŋbektensek, bärıne jetemız»,— dep sözın qorytyndylady ol.

«Adyrna» ūlttyq portaly