Qazaqstan jeńil atletıkadan álem chempıonatynyń tarıhynda ret altyn medal jeńip aldy, dep habarlaıdy "Adyrna" ulttyq portaly.
Vesti.kz málimdeýinshe, bul Oregondaǵy (AQSh) Álem chempıonatynda boldy. Tarıhı jetistiktiń avtory 3000 metrge kedergiler arqyly júgirýden birinshi oryndy jeńip alǵan qazaqstandyq sportshy - Nora Djerýto. Ol qashyqtyqty 8:53,02-de baǵyndyrdy.
Osylaısha, Qazaqstan jeńil atletıka tarıhynda álem chempıonatynda tuńǵysh ret altyn medal ıelendi.
Ekinshi jáne úshinshi oryndardy Efıopııa ókilderi Verkýha Getachıý (8:54,61) men Mekıdes Abebe (8:56,08) ıelendi.
Esterińizge sala keteıik, Kenııanyń týmasy Djerýto Qazaqstanǵa 2017 jyly kóship kelgen. 2022 jyly ol álem chempıonatynda Qazaqstan atynan shyǵýǵa resmı ruqsat alǵan.
"Adyrna" ulttyq portaly
