Özın "prokurordyŋ äielımın" dep küzetşıge dörekılık tanytqan 38 jastaǧy Jaina Urazalina bolǧan oqiǧanyŋ män-jaiyn tüsındırıp, köpşılıkten keşırım sūrady, dep jazady "Adyrna" ūlttyq portaly.
Jaina Urazalinanyŋ aituynşa, oqiǧa bolǧan künı kündızgı saǧat 14:00 şamasynda ol balalaryn sport klubyna äkelgen. Balalaryna dükennen susyn alu üşın kölıgın mekeme aldyndaǧy tūraqqa qoiǧan. Alaida klubtyŋ artynda ornalasqan äkımşılık ǧimarattan küzetşı syrtqa şyǧyp, dörekı türde kölıktı tūraqtan alyp tastasyn degen.
"Men oǧan "qazır dükenge baryp keleiın, sosyn kölıktı alyp tastaimyn"dedım. Ol menıŋ anama qatysty boqauyz sözdı aityp, balaǧattady. Söitıp men ol ǧimaratqa kırıp, basşysyn ızdedım. Ol onyŋ ornynda joq ekenın aitty. Sodan keiın men odan özımnıŋ, balalarymnyŋ aldynda keşırım sūrauyn talap ettım. Ol taiaǧyn alyp, maǧan jäne balalaryma bas saldy. Menıŋ balalarym qorqyp kettı, qyzym jylady. Ol anamdy, menı jäne balalarymdy qorlap, namysymyzǧa tidı», – deidı ol.https://youtu.be/xdJKIgz_OnA Äiel janjal barysynda küieuın ne üşın prokuror dep aitqanyn tüsındırıp berdı.
"Bırneşe qyzmetkerler maǧan jabylǧannan keiın küieuım prokuror dep aşulanǧannan aita saldym. Mekeme qyzmetkerlerınen keşırım sūraǧym keledı. Keşe sot otyrys öttı. Maǧan äkımşılık jaza taǧaiyndady. Men öz kınämdı moiyndadym. Degenmen, men sotta şyn mänınde oqiǧanyŋ qalai bolǧanyn aityp berdım. Ata-anamyzǧa qatysty balaǧat sözder aituǧa eşkımnıŋ qūqyǧy joq", — dedı ol.
"Adyrna" ūlttyq portaly
