QR Qarjylyq monitoring agenttıgı Qairat Boranbaevtyŋ ınısı, käsıpker Mūrat Boranbaevqa ızdeu jariialady, dep jazady "Adyrna" ūlttyq portaly.
Qūqyqtyq statistika jäne arnaiy esepke alu organdary portalynda jariialanǧan aqparatqa säikes, Boranbaev Mūrat Sovetaiūly 1970 jyly 1 şıldede düniege kelgen. Memlekettık satyp alu saitynda Mūrat Boranbaevtyŋ 2017 jyly AlanParking JŞS basşysy bolyp tırkelgenı turaly aqparat bar.
«2022 jylǧy 20 şıldedegı ızdeu ısı Almaty oblysynda tırkelgen. Bastamaşy: QMA. Izdestıru jürgızetın organ: Qazaqstan Respublikasy Qarjy monitoringı agenttıgınıŋ Almaty qalasy boiynşa Ekonomikalyq tergeu departamentı (tel. 8 (727) 279-29-56)», -delıngen vedomstvo habarlamasynda.8 şıldede Qairat Boranbaevtyŋ qamauǧa alu merzımı taǧy bır aiǧa ūzartylǧany habarlandy. Esterıŋızge sala keteiık, 17 nauryzda Qarjylyq monitoring agenttıgıkvazimemlekettık sektorda asa ırı kölemde qarjy jymqyru deregı boiynşa Qairat Boranbaevtyŋ ūstalǧanyn habarlaǧan bolatyn.
"Adyrna" ūlttyq portaly
